Menıngıt — bul mı men julynnyń membranalaryna áser etetin qaýipti aýrý.
№21 qalalyq emhananyń jalpy praktıka dárigeri Jambylhan Aıaýlym Beıbitqyzy bul derttiń belgileri men qaýpi jaıly eskertedi, dep habarlaıdy aqshamnews.kz.
"Balalarda menıngıt óte tez damyp, aýyr jaǵdaılarda múgedektikke nemese tipti ólimge ákelýi múmkin. Aýrýdy erte kezeńde taný óte mańyzdy, óıtkeni ýaqytynda bastalǵan em ómirdi saqtaıdy.
Menıngıttiń paıda bolýyna vırýstar, bakterıalar, zeńder nemese parazıtter sebep bolýy múmkin. Ásirese qysta jáne kóktemde aýrý jıi baıqalady. Kóbine aýa tamshyly jáne turmystyq jolmen beriledi",- deıdi dáriger.
Menıngıt belgilerin JRVI-men ońaı shatastyrýǵa bolady: balada joǵary temperatýra, bas aýrýy, qusý, murynnan sý aǵý bolýy múmkin. Biraq erekshe belgiler bar:
* qatty bas aýrýy,
* moıyn men kózdiń aýyrýy,
* qurysýlar,
* fotofobıa,
* denedegi bórtpe (menıngokoksemıa kezinde),
* nárestelerde-monotondy jylaý, tamaqtan bas tartý, álsizdik.
Keıde aýrý tez bastalady jáne qysqa merzimdi jaqsarǵannan keıin jaǵdaı kúrt nasharlaıdy.
Dıagnozdy tek taldamalar (analızder) arqyly dál qoıýǵa bolady, sondyqtan alǵashqy mazasyzdyq belgileri paıda bolǵan kezde dereý dárigerdiń qabyldaýyna barý kerek.
Menıngıt antıbıotıktermen emdeledi, biraq bastysy — ýaqytty jiberip almaý.
Ózińizdi jáne balalaryńyzdy qorǵaý úshin:
* qolyńyzdy jýyńyz,
* kókónister men jemisterdi jaqsy óńdeńiz,
* tek qaınatylǵan nemese bótelkedegi sýdy ishińiz,
* sýyq mezgilde adamdar kóp jınalatyn jerlerden aýlaq bolyńyz,
* bólmelerdi jeldetińiz.