Almaty qalasy boıynsha QAJ departamentine qarasty №11 mekemesine, ıaǵnı kámeletke tolmaǵan jazasyn óteýshi balalar kolonıasynda megapolıste ornalasqan D.A.Qonaev mýzeı-úıiniń ekskýrsovody Ardaq Ábjapparov jyljymaly kórme uıymdastyrdy.
Kórmede D.Qonaevtyń ómiri men qyzmeti, eńbek joly, ıgi ısteri men jetistikteri týraly qyzyqty málimetter áńgimelep berdi.
Qazaqstannyń ósip-órkendeý jolynda eleýli izi, qoltańbasy qalǵan biregeı tulǵa – Dinmuhamed Qonaev tutynǵan zattardy, erekshe buıymdaryn qolmen ustap, qyzyqtap kórgen jasóspirimder tarapynan saýaldar da az bolmady. Arman esimdi tárbıelenýshi óziniń mýzeıge baryp kelgendeı sezimde bolǵanyn jasyrmady.
«Bizdiń maqsat – jazaly jasóspirimder arasynda osyndaı júzdesýlerdi jıi uıymdastyryp, olarǵa ómirdiń mánin túsindirý, jaqsy adamdardyń, tulǵalardyń júrip ótken jolyn nasıhattaý, dáripteý arqyly jaqsy kúnderden kúder úzbeýine dáneker bolý», – deıdi №11 mekeme bastyǵy ádilet polkovnıgi Almat Súleımenov.