İzdeý eki kún boıy júrgizildi
Oralda Balalar úıinen qashyp ketken 2 jasóspirim tabyldy dep habarlady Almaty-akshamy.kz.
BQO Polısıa departamenti baspasóz qyzmetiniń málimeti boıynsha, jedel izdestirý is-sharalary barysynda Zachagan polısıa bóliminiń ýchaskelik ınspektorlary 12 qyrkúıek kúni shamamen saǵat 14.00-de 2007 jylǵy Maksım Fedýllev pen 2013 jylǵy Nıkolaı Harchenkony Melovye gorkı aýdanynda ornalasqan «Komarovo» saıajaı qoǵamynyń qaraýsyz qalǵan úıinen tapty.
«İzdestirý jumystaryna BQO Polısıa departamentiniń barlyq jeke quramy, eriktiler men janashyr adamdar jumyldyryldy. İzdeý eki kún boıy júrgizildi. Jasóspirimder qashý sebebin zerikkendikten dep túsindirdi. Sol úıden urlanǵan zattar qosa tabylyp, tárkilendi. Dárigerler qaraǵannan keıin eki jasóspirim otbasylyq úlgidegi balalar aýylyna jetkizildi. Medısınalyq tekserý barysynda dene jaraqattary anyqtalǵan joq, kámeletke tolmaǵandar tarapynan shaǵymdar túspedi. Oqıǵa ornynda polısıa qyzmetkerleri jumys istedi. Qazir QR QK 188-babyna (urlyq) sáıkes sotqa deıingi tergeý amaldary júrgizilip jatyr», – dedi vedomstvodan.
Osyǵan deıin Oralda balalar úıinen eki jasóspirim joǵalyp ketkeni týraly jazǵan bolatynbyz.