Men Golovkınniń jeńiske jetkenin qalaımyn
Eki salmaqta álemniń burynǵy chempıony Karl Frempton qazaqstandyq Gennadıı Golovkın men meksıkalyq Saýl «Kanelo» Alvares arasyndaǵy úshinshi kezdesýde kim jeńiske jetetinin aıtty dep habarlaıdy Almaty-akshamy.kz vesti.kz–ke silteme jasap.
«Alvareste bul joly úlken basymdyq bar. Ol sońǵy kezdesýinde jeńilgenine qaramastan Golovkınnen myqty. Sebebi qazaqstandyq boksshynyń jasy 40-tan asty. Ol burynǵydaı myqty emes. Golovkın Mýratany ońaı jeńdi. Biraq bul kezdesýde ol keremet kúshti bolmady. Ol biraz qıyndyqtarǵa tap bolady. Adam balasy jeńe almaıtyn nárse – ýaqyt.
Meniń oıymsha, bul kezdesýdi tym kesh uıymdastyrdy. Bul aıqasty birneshe jyl buryn ótkizý kerek edi. Sol kezde Golovkınniń múmkindigi kóbirek bolatyn. Mýrataǵa qarsy kezdesýde onyń álsiz tustary kórindi. Degenmen qara kúshiniń arqasynda jeńiske jetti. Golovkın – óz dáýirindegi eń úzdik pancherlerdiń biri. Joıqyn soqqy kóp boksshyǵa basymdyq beredi. Alaıda bul jekpe-jekte emes.
Aldaǵy kezdesýde sekýndtar mańyzdy ról oınaıdy. Al Golovkınde jyldamdyq burynǵydaı emes. Men Golovkınniń jeńiske jetkenin qalaımyn. Dese de bul kezdesýde «Kanelonyń» mereıi ústem bolady», – dedi Frempton.
Bul jekpe-jekte ekinshi orta salmaqta álemniń absolút chempıony ataǵy sarapqa salynady.