Gondoler bolý muragerlik jolmen beriledi
Venesıada jańa gondolerlerdi jaldaý sırek oqıǵa. Ádette, gondoler bolý muragerlik jolmen beriledi.
Gondolerlerdiń ortasha jalaqysy jylyna 150 000 eýrony quraıdy. Qala gondolerler mektebine konkýrs jarıalady, alaıda oqytý kýrsy 1000 eýroǵa baǵalanady.
Kandıdattarǵa qoıylatyn talaptar: ıtalán tilinde sóıleı bilý, densaýlyǵy jaqsy bolýy kerek, júzý, alǵashqy kómek kórsetý jáne Venesıanyń tarıhyn bilýi tıis.
Japondyq ǵalymdar «aqyldy» saǵattar shyǵardy
Bul saǵattar ıesine potensıaldy sýsyzdaný nemese kún ótý qaýpi týraly aldyn ala habarlaýǵa múmkindik beredi. Saǵattyń dıspleıinde denedegi sý deńgeıi týraly málimetter naqty ýaqytta kórsetiledi, al arnaıy dachıkter bul aqparatty oqyp, ıesine eskertý jiberedi.
Ǵalymdar bul gadjet ashyq aýada jumys isteıtinderge, mysaly, qurylysshylarǵa, aýyl sharýashylyǵy jumysshylaryna jáne sportshylarǵa óte paıdaly bolatynyn aıtady.
Tańqýraıdy robot jınaıdy
Ǵalymdar alǵashqy álemdegi malına jınaýshy robottyń jańartylǵan nusqasyn usyndy.
Tórt qoldy apparat jasandy ıntellekt arqyly basqarylady jáne jyldamdyq pen tıimdilik jaǵynan adamnan kem túspeıdi. Ol táýlik boıy jumys isteıdi. Robot jıdektiń pisken, pispegenin de anyqtaı alady.
Jıren shashty adamdar festıvali ótti
Nıderlandynyń Tılbýrg qalasynda jıren shashty adamdardyń festıvali ótti. Oǵan 12 elden astam 10 000-nan astam adam qatysty. Bul kórsetkish ótken jylmen salystyrǵanda eki ese kóp. Festıvál dástúrli túrde barlyq qatysýshylarmen toptyq fotosýret túsirýmen aıaqtaldy. 2013 jyly osy shara Gınness rekordtar kitabyna álemdegi eń aýqymdy jıren shashty adamdar festıvali retinde tirkelgen.