Almaty qalasy Qylmystyq-atqarý júıesi departamentine qarasty №11 mekemesinde kámletke tolmaǵan jazasyn óteýshi sottalǵandar arasynda Jańa jyldyq merekelik is-shara ótti.
Kóńildi kesh QR Premer-Mınıstriniń ókimimen bekitilgen qylmystyq-atqarý (penıtensıarlyq) mekemelerindegi jaǵdaıdy saýyqtyrýdyn jol kartasyn iske asyrý aıasynda ótti.
Mekeme bastyǵy ádilet polkovnıgi Almat Súleımenov barlyq áriptesin jáne tárbıelenýshilerdi kele jatqan jańa jylmen quttyqtap, jańa tabystar tiledi.
Konserttik baǵdarlamanyń kórigin «Almaty áýenderi» artıseriniń sahnalyq qyzyqty qoıylymdary, jasóspirimder qatystyrylǵan oıyndar qyzdyrdy. Fleshmob bı de balalardy bir sergitip aldy.
— Eń bastysy, bas bostandyǵy shektelip, qatań baqylaýda otyrǵan jastarǵa jaqsy kóńil kúı syıladyq. Bir-birimizge tilekterimizdi arnap, dostyq nıetimizdi bildirdik. Jetkinshekterge táttiler usynǵan Jetisý aýdany ákimdiginiń ókiliderine de alǵys aıtamyz, — dedi mekemedegi tárbıe jumysy bóliminiń bastyǵy ádilet podpolkovnıgi Alma Bázilbaeva.