Jańa jyl jaqyndaǵan saıyn Aıaz ata men Aqshaqar qyzmetterine suranys joǵarylaıdy. Qazaqstandaǵy ártúrli aımaqtarda jańa jyldyq mereke qarsańynda olardyń qyzmetterine qansha aqsha tólenetini men jalpy tabystary aıtarlyqtaı erekshelenedi, dep habarlaıdy aqshamnews.kz
Almaty
Almatyda jańa jyldyq qyzmetterge suranys eń joǵary deńgeıde. Quttyqtaý baǵasy 10 000 teńgeden 65 000 teńgege deıin jetedi. Sonymen qatar, VIP-quttyqtaý paketteri usynylady, olarda transfer, Aqshaqarmen birge shaı ishý, bıleý jáne fotosessıalar qamtylǵan. Almatydaǵy jalpy tabys 481 000 teńgeden 925 000 teńgege deıin jetedi.
Astana
Astanada da baǵa 25 000 teńgeden bastalyp, 99 000 teńgege deıin jetedi. Jalpy tabys 475 000 teńgeden 1 881 000 teńge aralyǵynda.
Shymkent
Shymkentte qyzmetke suranys negizinen otbasylyq jáne bilim berý mekemelerinen kelip túsedi. Bul qalada mundaı qyzmet 10 000 teńge men 40 000 teńge aralyǵynda baǵalanyp otyr. Munda jalpy tabys 390 000 teńgeden 1 560 000 teńgege deıin bolady.
Shyǵys Qazaqstan
Shyǵys Qazaqstanda jańa jyldyq qyzmetter baǵasy ózge óńirlermen salystyrmaly túrde aıtqanda arzan. Baǵalar 9 000 teńgeden 30 000 teńgege deıin bolady. Qyzmet kórsetýshiler 225 000 teńgeden 750 000 teńgege tabys tabady.
Batys Qazaqstan
Batys Qazaqstanda qyzmet kórsetýshiler óz eńbekterin 13 000 teńgeden bastap, 25 000 teńgege baǵalaıdy eken. Osylaısha 260 000 teńgeden 625 000 teńgege deıin tabys tappaq.
Jańa jylǵa daıyndyq ádette maýsym bastalmaı turyp júrgiziledi, al eń kóp tapsyrystar 31 jeltoqsan kúni túsedi.