Almatyda Jastar saıasaty basqarmasynyń qoldaýymen jáne «El shejire» qoǵamdyq qorynyń uıymdastyrýymen «Sybaılas jemqorlyqqa qarsy volonterlik» jobasy iske qosyldy. Bul bastama qoǵamda adaldyq pen ashyqtyq qundylyqtaryn nyǵaıtýǵa, sondaı-aq azamattyq belsendilikti arttyrýǵa baǵyttalǵan.
Jobanyń negizgi maqsaty – sybaılas jemqorlyqqa qarsy is-qımyldy nyǵaıtyp, ádildik pen senim atmosferasyn qalyptastyrý. Osy arqyly azamattardyń quqyqtyq saýattylyǵyn arttyryp, jemqorlyqtyń aldyn alýda halyqtyń belsendiligin kúsheıtý kózdeledi.
Joba aıasynda arnaıy sybaılas jemqorlyqqa qarsy beınerolık daıyndaldy. Bul beınematerıalda volonterlerdiń jemqorlyqqa qarsy kúrestegi róli, olardyń qoǵamdaǵy ádildik pen senimdilik qaǵıdattaryn qalyptastyrýdaǵy mańyzy kórsetilgen.
Sonymen qatar volonterler turǵyndarǵa jemqorlyqtyń aldyn alý, zańdyq quqyqtaryn qorǵaý jáne quqyqtyq keńes berý boıynsha kómek kórsetedi. Bul jumys azamattardy óz quqyqtaryn qorǵaýǵa úıretip, qoǵamda senimdi qarym-qatynas ornatýǵa septigin tıgizedi.
«Sybaılas jemqorlyqqa qarsy volonterlik» bastamasy qoǵamdaǵy senimdilikti nyǵaıtýǵa jáne ashyqtyq pen ádildik prınsıpterin qoldaýǵa baǵyttalǵan. Joba barysynda kez kelgen azamat sybaılas jemqorlyqqa qarsy kúreske úles qosyp, quqyqtyq máseleler boıynsha volonterlerden tegin kómek ala alady.
Bul bastama qoǵamnyń árbir múshesin jemqorlyqsyz bolashaq qurý jolyndaǵy jaýapkershilikke shaqyrady. Sybaılas jemqorlyqqa qarsy kúres tek memlekettik deńgeıde emes, árbir azamattyń belsendi qatysýyn qajet etetin ortaq is bolyp tabylady.
Adaldyqty nasıhattap, senimdilikti nyǵaıtýǵa baǵyttalǵan bul joba jemqorlyqsyz qoǵam qurý jolyndaǵy mańyzdy qadam.