Almaty qalasynyń Qylmystyq atqarý júıesi departamentine qarasty LA- 155/6 mekemesinde de taǵy bir oqý jylynyń aıaqtalǵanyn bildiretin sońǵy qońyraý soǵyldy.
Saltanatty jıyn elimizdiń Ánuranymen bastaldy. Ortaǵa 11 synypty bitirýshi túlekter synyp jetekshilerimen shyqty.
Mekeme basshysy, ádilet podpolkovnıgi Tolýbaev Mıras Andreevıch túzetý mekemesi ishindegi mektepti bitirip jatqan jetkinshekterdi merekemen quttyqtap, bolashaqta jaqsy azamat bolyp shyǵatyndyqtaryna senim bildirdi. Mekteptiń oqý jáne tárbıe jónindegi orynbasarlary Almazova Lúdmıla Vasılevna men Alıeva Aızada Ábdimádıqyzy da lebizin jetkizdi.
Bıyl 11 synypty 11 oqýshy, al 9 synypty 1 oqýshy bitirdi. Úlgerimi jaǵynan 10 ekpindi shyqty. Balalar maqtaý qaǵazdarymen marapattaldy. Qoǵamdyq jumystarǵa belsene qatysqandary da erekshe atalyp ótti.
Sońǵy qońyraý úni oqýshylardyń ózi daıyndaǵan konserttik baǵdarlamamen jalǵasty. Osy merekege ata-analar komıtetiniń ókilderi de kelip, ustazdarǵa alǵysyn bildirip, gúl shoqtaryn usyndy.