Zańǵa túzetýler engizildi.
Almaty ákimdigi beınebaqylaý kameralaryn ornatyp, adamdar kóp jınalatyn jerlerde beınebaqylaý monıtorıńin júrgizý quqyǵyna ıe bolady. Almaty qalasynyń erekshe mártebesi týraly zańǵa osyndaı túzetýler engizýdi Májilis depýtattary maquldady, dep habarlaıdy Almaty-akshamy.kz Inbusiness.kz silteme jasap.
«QR «Almaty qalasynyń erekshe mártebesi týraly» zańyna Almaty qalasynyń máslıhaty men ákimdiginiń ókilettikterin Almaty qalasyndaǵy syrtqy jaryqtandyrý júıelerin paıdalaný qaǵıdalaryn bekitý, beınekameralar ornatý qaǵıdalaryn bekitý jáne azamattar kóp jınalatyn jerlerde beınebaqylaý monıtorıńin júrgizý boıynsha ókilettikterin qosýǵa baǵyttalǵan túzetýler engizildi», − dep habarlady tómengi palatanyń depýtaty Dúısenbaı Turǵanov.
Budan basqa, kóp páterli turǵyn úılerdi kúrdeli jóndeý boıynsha arnaıy jalpyqalalyq shot qurý, áleýmettik obektiler qurylysy úshin múlikti májbúrlep ıelikten shyǵarý máseleleri jáne qalanyń burqaqty sharýashylyǵyn ustaý jáne tehnıkalyq qyzmet kórsetý jónindegi qaǵıdalardy bekitý zańnamalyq túrde bekitildi.