«Qazaq ádebıeti» gazetiniń jaryqqa shyqqanyna 90 jyl tolyp otyr. Saltanatty shara Almaty qalasyndaǵy «Dostyq» úıinde ótti.
Basylymnyń mereıtoıyna arnalǵan sharanyń shymyldyǵy Mádenıet jáne aqparat mınıstri Aıda Balaevanyń quttyqtaý sózinen bastaldy. Mınıstr ǵasyrǵa jýyq tarıhy bar basylymdy mereıtoıymen quttyqtaı kele, kópshilikke Memleket basshysynyń quttyqtaýyn jetkizdi, dep habarlaıdy almaty-akshamy.kz QR Mádenıet jáne aqparat mınıstrliginiń baspasóz qyzmetine silteme jasap.
«Ǵasyrǵa jýyq ýaqyt ishinde gazet qalyń oqyrmany bar bedeldi basylym retinde qalyptasyp, tól tarıhymyzdyń jarshysyna aınaldy. Alǵashqy sandary «Qazaq ádebıeti» ult mádenıetin kóterýde úlken oryn alsyn!" degen uran sózben jaryq kórgen aptalyq árdaıym osy údeden shyǵa bildi. Basylym ulttyq qundylyqtardy, qazaq qalamgerleriniń týyndylaryn keńinen dáriptep, rýhanıatymyzdyń órkendeýine ólsheýsiz úles qosyp keledi», - delingen Prezıdenttiń quttyqtaý hatynda.
Mınıstr jýrnalıs ardagerlerge «Eńbek ardageri» medalin tabys etti, olardyń arasynda Israıl Saparbaı, Gúljamal Temıreeva jáne basqa da jýrnalıser bar.
«Aqparat salasynyń úzdigi» tósbelgisimen «Qazaq ádebıeti» gazetiniń tilshisi Móldir Raıymbek marapattaldy.
Sonymen birge QR Mádenıet jáne aqparat mınıstrliginiń Qurmet gramotasy men Alǵys hattary berildi.