Almatyda kesheden beri «Óńirlik merzimdi basylymdardyń forýmy ótýde.
Oǵan Qazaqstan Respýblıkasy Mádenıet jáne aqparat mınıstrligi Aqparat komıtetiniń tóraǵasy Meıirlan Rahanov, QR Parlamenti Senatynyń depýtaty Nurtóre Júsip, QR Parlamenti Májilisiniń depýtattary Qazybek Isa men Ermurat Bapı, QR Prezıdenti Baspasóz hatshysynyń orynbasary Erjan Baıtiles, Almaty qalasy Qoǵamdyq damý basqarmasynyń basshysy Aıdar Esenbekov qatysyp, sóz sóıledi, dephabarlaıdy Almaty-akshamy.kz.
Aqparat salasy mamandarynyń basyn qosqan jıynǵa qatysqan Parlament Senatynyń depýtaty, ózi de talaı jyl jýrnalısıka salasynda eńbek etken, belgili jýrnalıs Nurtóre Júsip «Alatau Aqparat» medıaholdingine at basyn buryp, osy ujymdaǵy jýrnalıserdiń jumys barysymen tanysty. Almatydaǵy basty basylymdardyń biri «Almaty aqshamy» men «Vechernıı Almaty» gazetterin shyǵaryp, «Almaty-akshamy.kz» jáne «Vecher.kz» caıttarynyń basyn biriktirip otyrǵan medıaholdıng qalanyń, jalpy eldiń tynys-tirshiliginen úzdiksiz habar taratyp kele jatqan birden-bir mekeme.
Aıta ketetini, búginde bul ujym óziniń qalyptasý jolyn, tarıhyn esten shyǵarǵan emes. Sonyń dáleli - medıholdıngtegi murajaı.
Murajaıda qazirgi zamanda múlde qoldanystan shyqqan, biraq osy basylymdardyń qalyptasý tarıhynda jýrnalıser qoldanǵan birtalaı dúnıe bar.
Olar: jazý mashınkasy, faks, materıal jazarda buryn árqashan tilshilerdiń janynan tabylatyn sózdikter, qoljazba kitaptar, anyqtamalyqtar.
Ótken kúnderge degen ujymnyń osyndaı qurmetin kózben kórgen senator Nurtóre Júsip jýrnalısıka salasynda osyndaı murajaılardyń bolýy quptarlyq is ekenin aıtty. Aıtýynsha, búginde osy syndy qundy dúnıeler biraz adamnyń úılerinde shań basyp jatyr.
«Qazir qanshama úıde kezindegi «Juldyz» jýrnalynyń qanshama danasy, sol sıaqty basqa da qundy gazet-jýrnaldar bar. Eshkim oqymaı, jaı shań basyp jatqansha solardy osylaı kórsetip, shyǵaryp qoıǵan jaqsy. Sol úshin bul óte jaqsy bastama eken», - dedi senator.