Almatynyń ekonomıkasy turaqty damyp keledi.
2025 jyldyń qańtar-mamyr aılaryndaǵy qorytyndysy boıynsha qysqa merzimdi ekonomıkalyq ındıkator 109,5 paıyz. Ósý kórsetkishiniń qarqyny barlyq sektorda baıqalady. Bul týraly Almatynyń Ekonomıka basqarmasy málimdedi.
Ónerkásip óndirisiniń dınamıkasy kóńil kónshitedi. Naqty kólem ındeksi 114,1%-ǵa jetti. Ásirese óńdeý ónerkásibinde k ósim deńgeıi joǵary – 16,2%.
Qurylys sektory joǵary qarqynmen damýda: oryndalǵan jumys kólemi 200,4 mlrd teńgeni qurady, bul 24%-ǵa teń. Barlyǵy 1,1 mln sharshy metrden astam turǵyn úı paıdalanýǵa berildi (+12,2%). Sonymen qatar, kóppáterli ınfraqurylymǵa suranys artty (20%- ǵa ósti).
Saýda salasynda da oń dınamıka bar: jalpy ósim 4,4%, sonyń ishinde bólshek saýda – 7,9%, kóterme saýda – 3%.
Kólik pen qoıma qyzmeti kólemi 24,4%-ǵa artqany baıqalady. Bul megapolıstiń logıstıkalyq jáne iskerlik belsendiliginiń jandanýyn kórsetedi. Baılanys sektory 3,3%-ǵa turaqtady.
Negizgi kapıtalǵa salynǵan ınvestısıalar kólemi 28,2%-ǵa ósip, 714,4 mlrd teńgege jetti. Salymnyń edáýir bóligi – 557,5 mlrd teńge – jeke ınvestorlar esebinen qamtamasyz etildi. Bul bıznestiń qala ekonomıkasyna degen senimin rastaıdy.
Aınalym men syrtqy saýda ósýde. 2025 jylǵy qańtar-sáýirde syrtqy saýda aınalymynyń kólemi (EAEO elderin eseptemegende) 7,8 mlrd AQSH dollaryn qurady. Eksport 7%-ǵa, ımport 2,2%-ǵa ósti.
Almaty – elimizdiń ekonomıka, ónerkásip jáne ınvestısıa ortalyǵy ekenin taǵy bir dáleldep otyr.