Elimizde esirtkige táýeldi adamdardyń sany beligili boldy.
108 myńnan astam turǵyn dınamıkalyq baqylaýda tur. Onyń 18 329-y esirtki quraldary men psıhotroptyq zattarǵa táýeldi bolyp shyqqan, dep habarlaıdy Almaty-akshamy.kz.
Bul týraly esirtkige qarsy keshendi jospardyń oryndalýy talqylanǵan jıynda aıtyldy. Basqosýǵa quqyq qorǵaý organdarynyń ókilderi, bilim berý salasynyń mamandary men qoǵam belsendileri qatysty. Keshendi josparǵa sáıkes, jasóspirimder men jastar arasynda vedomstvoaralyq profılaktıkalyq jumys uıymdastyryldy. Barlyq óńirde esirtkige qarsy profılaktıkalyq is-sharalar ótkizý josparlary bekitildi. Onyń aıasynda qazir ońaltý, emdeý jumystary kúsheıtilip jatyr.
«Ony anyqtaý kerek. Biz ony kóp anyqtaǵan saıyn, qoǵam tazarady. Byltyrdyń ózinde 36 tonnadaı esirtki tárkilendi byltyrdyń ózinde. 1 tonna 100 tek sıntetıkalyq esirtki jiberilmedi. Bul degen qanshama mln adamnyń ómirin saqtap qaldyq desek bolady», - deıdi QR İİM esirtki qylmysyna qarsy is-qımyl departamenti bastyǵynyń mindetin atqarýshy Baqytjan Ámirhanov.