«Babalar amanaty»
Qazaqstannyń Túrkıadaǵy Elshiliginiń uıymdastyrýymen jáne TÚRKSOI halyqaralyq uıymy men «Kók tý» qazaq mádenıeti qoǵamynyń qoldaýymen «Alash» qozǵalysynyń belgili kósemi, ulttyq ǵylymnyń negizin salýshy, aqyn, aýdarmashy Ahmet Baıtursynulynyń týǵanyna 150 jyl tolýyna oraı Qazaqstan jáne Reseı sýretshiler odaǵynyń múshesi, «Úzdik pedagog – 2021» konkýrsynyń jeńimpazy, profesor jáne «Babalar amanaty» halyqaralyq jobasynyń avtory Qanaǵat Kodekovtyń kitabynyń 4-shi tomynyń tusaýkeseri ótti, dep habarlaıdy Almaty-akshamy.kz BAQ.KZ-ke silteme jasap.
İs-sharaǵa Qazaqstan Elshisi Erkebulan Sápıev, TÚRKSOI halyqaralyq uıymy men «Kók tý» qazaq mádenıeti qoǵamynyń ókilderi, Dúnıejúzi qazaqtary qaýymdastyǵynyń tóralqa múshesi, «Qazaq eli» jýrnalynyń bas redaktory Serkan Dınchtúrk, Ankaranyń ýnıversıtetterinde bilim alyp júrgen qazaq-túrik doktoranttary men stýdentteri jáne BAQ ókilderi qatysty.
Elshi HH ǵasyrdyń basyndaǵy qazaq zıalylarynyń kórnekti ókili Ahmet Baıtursynulynyń shyǵarmashylyǵy men ǵylymı eńbekteri týraly qysqasha aıtyp berdi.
S. Dınchtúrk belgili sýretshi Q. Kodekovqa «Babalar amanaty» atty kitaby, ata-babalarymyzdyń qaldyrǵan muralaryn keleshek urpaqqa jetkizýde, tanytýdaǵy sýretshiniń atqaryp otyrǵan zor eńbegine rızashylyǵyn bildirdi.
Óz kezeginde Q. Kodekov «Babalar amanaty» ulttyq jobasyna toqtala kele, atalǵan jobada kásibı jáne kásipqoı sýretshilerdiń eńbekteriniń jınaǵynan quralǵan óziniń kezekti týyndyny – ult ustazy Ahmet Baıtursynulynyń 150 jyldyq qurmetine arnalǵanyn jáne mundaı týyndylar jas býyndy tarıhqa baýlyp, otansúıgishtikke jeteleıtinin atap ótti.
Jıyn sońynda Elshi E. Sápıev Q. Kodekovti Ahmet Baıtursynulynyń 150 jyldyǵyna oraı qosqan úlesi úshin alǵys hatpen marapattady.