Búkil álemde bala mektepten, bala baqshadan qalyptasady. Otbasy tárbıesi, jalpy mektepke deıingi tárbıe máselesi asa mańyzdy. Máselen, Fınlándıada eń kúrdeli baıqaý bala-baqshanyń tárbıeshisin daıarlaıtyn joǵary oqý oryndarynda bolady. Demek, ol jerde tárbıeshilerge erekshe jaǵdaı jasalyp, áleýmettik jaǵdaıym qamtamasyz etilgen. Sondyqtan olar bala tárbıesine erekshe mán beredi.
Bul oraıda Memleket basshysy mektepke deıingi tárbıege, bala-baqshaǵa aıryqsha kóńil bóledi. Bala baqshadaǵy tárbıeshiniń jalaqysyn ósirý, onyń áleýmettik jaǵdaıyn ósirý arqyly arqyly kóp máseleni sheshe alamyz.
Mektep máselesi, sonyń ishinde jaıly mektep baǵdarlamasy qolǵa alyndy. Áli kúnge deıin bizde qırap turǵan mektepter, úsh aýysymdyq, eki aýysymdyq mektepter bar. Álemniń órkenıetti elderinde tipti eki aýysymdyq mektepter joq. Biz áli úsh aýysymdyq jaǵdaıda jumys istep júrmiz. Bala jáne ony tárbıeleıtin muǵalim eshnársege alańdamaı, óziniń tárbıe jumysyna bar kóńilin arnaýy qajet. Osy turǵyda el Prezıdenti Joldaýda úlken bastamalar bastap jatyr. Bolashaqta mektepter boı kóterip, bilim sapasy jaqsara túsetinine kámil senemiz.