Bala quqyqtary jónindegi ýákil Dınara Zákıeva Qonaev qalasynda eki polıseı zorlaǵan oqýshyǵa qatysty málimdeme jasady.
«Qonaev qalasynda bolan kámeletke tolmaǵan balanyń jynystyq tıispeýshiligine qarsy qylmysqa qatysty. Qyz balanyń týystarymen baılanystamyn, balamen psıhologtar jumysty bastaıdy dep kelistik. Tergeý sharalary júrip jatyr», - dep jazdy ol.
Aıta keteıik, buǵan deıin Almaty oblysynda oqýshy qyzdy zorlaǵan polıseıler qamaýǵa alynǵany habarlandy. Olarǵa kámelettik jasqa tolmaǵan balaǵa qatysty qylmys jasady degen aıyp taǵylǵan.
Qos polıseıdi ózderiniń áriptesteri ustaǵan.
«Bıylǵy 7 qarashada polısıaǵa Almaty oblysynyń 43 jastaǵy turǵyny kámeletke tolmaǵan qyzyna qatysty eki belgisiz adamnyń jynystyq sıpattaǵy zorlyq-zombylyq jasaǵany týraly aryzdandy. Sol kúni qylmystyq is QR Qylmystyq kodeksiniń 120-baby 3-1-bóliginiń 1-tarmaǵy boıynsha oblystyq polısıada tirkeldi», - dep habarlady Almaty oblystyq PD baspasóz qyzmeti.
Jedel-izdestirý is-sharalary barysynda polısıa qyzmetkerleri 2000 jáne 2001 jyldary týǵan kúdiktilerdiń jeke basyn anyqtap, ustaǵan. Tergeý nátıjeleri boıynsha olar qamaýqa alyndy.
«Jaqyn arada sotqa deıingi tergep-tekserý júrgizý aıaqtalyp, qylmystyq istiń materıaldary máni boıynsha qaraý úshin sotqa jiberiletin bolady. QR QİJK 201-babynyń talaptaryna sáıkes, ózge aqparat jarıa etýge jatpaıdy», - delingen vedomstvo aqparatynda.