Kez kelgen qalanyń turǵyny óziniń jobasyna qala ákimshiliginiń nazaryn aýdara alady.
Qala ákimi Baqytjan Saǵyntaev «Almaty» telearnasyndaǵy kezekti tikeleı efır barysynda Biryńǵaı komýnıkasıalyq keńistik qurý týraly habarlady, dep habarlaıdy Almaty-akshamy.kz.
Inovasıalyq ekojúıeni damytý jónindegi strategıalyq mindetterdi iske asyrý aıasynda qalanyń İT-qoǵamdastyq ókilderi úshin Biryńǵaı komýnıkasıalyq keńistik qurý jumystary aıaqtaldy. BKK barlyq bilim berý mekemelerin, tehnoarkterdi, akseleratorlardy, ınkýbatorlardy jáne İT kompanıalardy bir platformaǵa biriktiredi. Qazirgi kezde platformada 15-ten astam İT-kompanıalar jáne 500-ge jýyq İT-qoǵamdastyq ókilderi tirkelgen.
Budan ózge, Sıfrlandyrý basqarmasynyń portalynda Almatyny ońtaılandyrý jáne sıfrlandyrý boıynsha ıdeıalardy ornalastyrý múmkindigi bar. Kez kelgen qalanyń turǵyny óziniń jobasyna qala ákimshiliginiń nazaryn aýdara alady.
Telekomýnıkasıalyq ınfraqurylym belsendi damydy. Buryndary, jyl ishinde qaladaǵy barlyq baılanys operatorlary 55-60 bazalyq stansıalardy ǵana salatyn. Sońǵy 12 aıda uıaly baılanystyń qoljetimdi bolýy úshin 200-den astam «kórinbeıtin» aımaqtar jabyldy.
Qalada qosymsha ınternetke jelisiz qosylýdyń saralanǵan tehnologıasymen jańa pılottyq joba iske asýda, osynyń arqasynda qala turǵyny qalanyń jańa shaǵyn aýdandarynda 96 Mbıt/sek turaqty sıgnal alý múmkindigine ıe bolady.
Bul jańa jobamen Álmerek (600 ǵımarat, 420 abonent), Alǵabas (1500 ǵımarat, 1050 abonent), Nurshashqan (400 ǵımarat, 280 abonent), Taýsamaly (1000 ǵımarat, 700 abonent) shaǵyn aýdandary qamtylǵan.
Bıylǵy jyly Nurshashqan jáne Tastybulaq shaǵyn aýdandarynda talshyqty-optıkalyq baılanys jelileri tartylady, bul sapaly ınternetke qosylýǵa múmkindik beredi. Kelesi jyly jeke ınvestorlar Alataý men Naýryzbaı aýdandarynyń qalǵan shaǵyn aýdandaryna TOBJ júrgizedi.