Qalada jasyl jelekter derekteriniń bazasy jasalýda
Almaty ákimi Baqytjan Saǵyntaev «Almaty» TA-daǵy kezekti tikeleı efır barysynda qalany basqarý jónindegi sıfrly jobalar týraly aıtty.
Qoǵamdyq kólikterdiń qozǵalysy jónindegi aqparat negizinde qalalyqtardyń belsendilik bazasyn qalyptastyrý týraly sheshim qabyldandy. Bul qala turǵyndarynyń qadamdyq qoljetimdi qyzmetterge degen suranystaryn oryndaý úshin qajet. Osylaısha, qalanyń júktemesin jol ınfraqurylymyn damytý arqyly ǵana emes, sonymen qatar ár aýdanda tepe-teń bıznes ortany qurý arqyly jeńildetýge bolady, dep habarlady Almaty-akshamy.kz.
Interaktıvti kartany qalalyqtarǵa qoljetimdi etý josparlanýda, bul kásipkerlerge áleýmettik-turmystyq nemese saýda nysandaryn qaı jerde ashýǵa bolatynyn ózderiniń sheshýine múmkindik beredi.
Jasyl qala mártebesin saqtaý úshin ár aǵashtyń tólqujatyn ázirleý boıynsha qurý jumystar júrýde. Bul qalanyń jasyl qoryn tıimdi basqarýǵa múmkindik beredi. Ol úshin ekpelerdi elektrondyq esepke alý júıesi engizilýde. Júıe aǵash otyrǵyzatyn alańdarǵa, onyń ishinde ótemdik ýchaskelerge monıtorıń júrgizýge múmkindik beredi.
Almatyda sıfrlandyrý damyǵan kezde túrli aqparattyq júıelerden málimetter jınaqtalady, olardy qala ıgiligi úshin basqarý kerek. Osyǵan oraı úsh úlken tapsyrmany sheshýge múmkindik beretin biryńǵaı málimetter bazasy jasalady, olar:
- alda turǵan mindetterdi sheshý úshin basqarýdyń sıfrlyq negizdegi derekter bazasyn qurý;
- qalanyń túrli basqarmalary arasynda aqparat almasý jónindegi jumysty yńǵaıly jáne jyldam etý;
- İT alańy, qorǵalǵan orta arqyly paıdalanýshylardyń málimetter negizinde jańa jobalardy jasaýlary úshin syrtqy paıdalanýshylarǵa málimetter berý.