Prezıdent Asqar Mamınge áleumettík mańyzy bar azyq-túlík tauarlarynyń baǵasyn ūstap tūrudy tapsyrdy.
Qasym-Jomart Toqaevqa Qazaqstannyń bıylǵy qańtar-mamyr aılaryndaǵy áleumettík-ekonomıkalyq damuynyń qorytyndylary, elímízdegí sanıtarlyq-epıdemıologıyalyq ahual men egís nauqanynyń ayaqtalǵany jónínde esep beríldí, dep habarlaıdy Almaty-akshamy.kz Akorda.kz saıtyna sílteme jasap.
Premer-Mınıstr Qazaqstan ekonomıkasynyń pandemıyadan keıíngí qaıta qalpyna kelu satysyna ótkení turaly aıtty. Bıylǵy qańtar-mamyr aılaryndaǵy íshkí jalpy óním ósímíníń qarqyny byltyrǵy osy kezeńmen salystyrǵanda 1,6 paıyzdy qūrady.
Asqar Mamınníń aıtuynsha, damudyń negízgí qozǵaushy kúshí 7,2 paıyzdyq ósím deńgeıín kórsetíp otyrǵan óńdeu ónerkásíbí (mashına jasau, qūrylys materıaldaryn óndíru, jeńíl ónerkásíp jáne t.b. salalarda qarqyndy ósím bar), qūrylys sektory bolyp otyr.
Ekonomıkanyń óndírmeıtín sektorlarynda joǵary ınvestıtsıyalyq belsendílík baıqalady. Negízgí kapıtalǵa qūıylǵan ınvestıtsıyanyń ósímí tau-ken salasyn esepke almaǵanda 25,5 paıyzǵa jetken.
Prezıdentke kóktemgí egín egu jūmystarynyń nátıjesínde egís alqaptary 78,2 myń gektarǵa ūlǵaıyp, 22,7 mıllıon gektarǵa deıín artqany jónínde bayandaldy.
Úkímet kóktemgí egís nauqanyn qarjylyq, materıaldyq-tehnıkalyq tūrǵydan qamtamasyz etu úshín barlyq qajettí sheshímderdí qabyldady. Kóktemgí egís jūmystaryna 128 mıllıard teńge qarjy bólíníp, 380 myń tonna janarmaı naryqtaǵy baǵadan 14 paıyzǵa tómen satylǵan jáne 405,3 myń tonna tyńaıtqysh berílgen.
Premer-Mınıstr elímízdegí sanıtarlyq-epıdemıologıyalyq ahualdyń jaqsarǵanyn aıtyp, Covid-19 índetíníń taraluy boıynsha Qazaqstan «sary» aımaqtan «jasyl» aımaqqa ótkenín jetkízdí. Bír apta íshínde índet jūqtyru deńgeıí 30 paıyzǵa azaıyp, koronavırustyń taralu ındeksí 0,84-ke deıín tómendegen. Jūqpaly aurular bólímderíníń 24 paıyzynda, jan saqtau bólímderíníń 21 paıyzynda nauqastar em qabyldap jatyr.
Nūr-Sūltan qalasy «qyzyl» aımaqta, Almaty qalasy, Atyrau, Pavlodar, Batys Qazaqstan, Aqmola jáne Qaraǵandy oblystary «sary» aımaqta. Qalǵan 10 oblys – «jasyl» aımaqta.
Qazírgí tańda 2,4 mıllıon adam ekpeníń bírínshí komponentín aldy, 1,3 mıllıonǵa juyq adamǵa ekpeníń ekínshí komponentí salynǵan.
Memleket basshysy tūrǵyndarǵa vaktsına salu qarqynyn báseńdetpeudíń jáne epıdemıyaǵa qarsy sharalardy jalǵastyrudyń mańyzdy ekenín atap óttí.
Kezdesu qorytyndysy boıynsha Prezıdent áleumettík mańyzy bar azyq-túlík tauarlarynyń baǵasyn ūstap tūru, qūrylys materıaldarynyń baǵasyn retteu, syrtqy jáne íshkí ınvestıtsıya kólemín arttyru, óńdeu sektoryn damytyp, ósímín qamtamasyz etu arqyly ekonomıkanyń qūrylymdaryn ártaraptandyru jóníndegí sharalardy júzege asyruǵa basa mán berudí tapsyrdy.