İs-sharany Baký Eýrazıa ýnıversıteti Túrkıanyń Nııde Omer Halısdemır ýnıversıtetimen jáne Qazaq ulttyq qyzdar pedagogıkalyq ýnıversıtetimen birlesip uıymdastyrdy, dep habarlaıdy almaty-akshamy.kz.
Ashylý saltanatynda «Túrki áleminiń jáne Túrkitildes memleketter uıymynyń 2040 jylǵa arnalǵan maqsattary» taqyrybynda ótken sımpozıým jumysyna tabys tiledi.
QyzPU Ǵylymı jumys jáne halyqaralyq yntymaqtastyq jónindegi prorektory Zakır Djýmakýlov sımpozıým baýyrlas elderdiń mádenı-rýhanı jaqyndasýyna ólsheýsiz úles qosatynyn atap ótti.
«Sımpozıým aıasynda dástúrli túrde uıymdastyrylyp júrgen «Túbi bir túrkimiz» festıvali baýyrlas memleketter dostyǵynyń nyǵaıýy men qarym-qatynasynyń artýyna, jastarymyzǵa túrkilik murany sezindirýge baǵyttalǵan mańyzy zor is-shara. Júrgizip jatqan zertteýlerimizdiń túrki áleminiń keleshegine ólsheýsiz mura qaldyratynyna senimdimiz», - dedi prorektor.
Halyqaralyq sımpozıýmnyń maqsaty – til, ádebıet, tarıh, fılosofıa, ǵylym, bilim, mádenıet, ekonomıka, halyqaralyq qatynastar jáne basqa da salalardaǵy ózekti máselelerdi talqylaý úshin túrki áleminiń ǵalymdary men zıalylaryn biriktirý.
Sondaı-aq qatysýshylar jańa ǵylymı zertteýlerdiń taqyryptaryn talqylady, birlesken jobalardyń baǵyttary boıynsha ıdeıalarmen almasty. Sheteldik joǵary oqý oryndarynyń basshylary sımpozıým túrki halyqtary arasyndaǵy jańa tásilderdi, birlesken zertteýler men ózara yntymaqtastyqty arttyratynyn atap ótti.