Bul týraly komısıa otyrysynda aıtyldy.
Ortalyq saılaý komısıasy «Baıtaq» jáne Respublica partıalaryna Qazaqstannyń barlyq aımaǵy boıynsha máslıhat depýtattaryn saılaýǵa qatysýǵa ruqsat berdi, dep habarlaıdy Almaty-akshamy.kz
"Baıtaq" Jasyldar partıasyna" 15 óńirdegi máslıhat saılaýyna qatysýǵa ruqsat berildi. Qazirgi ýaqytta basqa birqatar óńirde partıalardyń fılıaldary quryldy. Respublica partıasy 19 óńirdegi máslıhat saılaýyna jiberildi. Búgingi tańda Atyraý oblysynda partıa fılıaly quryldy", - dep jazdy óz baıandamasynda OSK múshesi Shavhat Ótemisov.
Osylaısha Ortalyq saılaý komısıasy biraýyzdan qabyldanǵan sheshimmen "Baıtaq" jasyldar partıasyna myna óńirlerdegi máslıhat depýtattarynyń saılaýyna qatysýǵa ruqsat berdi: Abaı oblysy, Jetisý oblysy, Aqmola oblysy, Soltústik Qazaqstan oblysy, Ulytaý oblysy.
Respublica partıasy Atyraý oblysy máslıhatynyń depýtattyǵyna óz kandıdattaryn usyna alady.
Búginde Qazaqstanda tirkelgen jeti partıanyń barlyǵy 19 naýryzda ótetin Parlament Májilisi depýtattarynyń kezekten tys saılaýyna qatysýǵa ruqsat aldy, dep habarlady Ortalyq saılaý komısıasyndaǵylar.
Bul Amanat partıasy, "Aq jol" Qazaqstannyń demokratıalyq partıasy, Qazaqstan halyq partıasy, "Aýyl" halyq-demokratıalyq patrıottyq partıasy, opozısıalyq Jalpyulttyq sosıal-demokratıalyq partıasy, "Baıtaq" Qazaqstannyń jasyldar partıasy jáne Respublica partıasy.
Májilis saılaýy aralas saılaý júıesi boıynsha ótedi – depýtattardyń 70%-i partıalyq tizim boıynsha, 30%-i bir mandatty okrýgter boıynsha saılanady. Oblystardyń, respýblıkalyq mańyzy bar qalalardyń jáne astananyń máslıhattarynda depýtattardyń 50%-i majorıtarlyq júıe boıynsha, 50%-i partıalyq tizim boıynsha saılanady. Aýdandar men qalalardyń máslıhattaryna saılaý tolyǵymen majorıtarlyq júıe boıynsha ótedi.
Kandıdattardy usyný merzimi 20 qańtardan 8 aqpanǵa deıin, tirkeý 20 qańtardan 18 aqpanǵa deıin jalǵasady.
Saılaý aldyndaǵy úgit-nasıhat jumystary 18 aqpan kúni saǵat 18:00-den 18 naýryz saǵat 00:00-ge deıin jalǵasady.
18 naýryz – Tynyshtyq kúni.
19 naýryzda daýys berý jergilikti ýaqyt boıynsha saǵat 07.00-den 20.00-ge deıin ótedi.