Ol ǵalamtor jelisinde avtokólik satatyn saıttarǵa (kolesa.kz) jalǵan jarnamalar jarıalaǵan.
Astana qalasynda jedel izdestirý is-sharasyn júrgizý barysynda 1993 jyly týǵan Qyzylorda qalasynyń turǵyny alaıaqtyq jasaǵany úshin ustaldy, dep habarlaıdy Almaty-akshamy.kz Polisia.kz-ke silteme jasap.
Jalǵan jarnama berýshi kólikti satyp alýǵa qyzyǵýshylyq tanytqan jeli qoldanýshylarynan jarnamany alyp tastaý úshin aldyn ala qarajat jiberýin suraǵan. Tólemdi áleýmettik jelide tanysqan qyz-kelinshekterdiń bank-shottaryna aýdartyp, keıin qoǵamdyq oryndarda óziniń kartalarynyń buǵattaýly ekenin aıtyp, kezdeısoq adamdarǵa aýdartyp, ıemdenip kelgen. Qazirgi tańda kúdiktiniń osyndaı 10 qylmysqa qatysy bary anyqtaldy.
Alaıaqtyń qurbany bolǵandar – Atyraý, Aqtóbe, Qostanaı, Almaty, Astana, Shymkent qalasynyń turǵyndary. Qazirgi tańda kúdiktige qatysty QR QK-niń 190-baby 3-bóligimen sotqa deıingi tergeý amaldary júrgizilip jatyr. Kúdikti Astana qalasynda qamaýǵa alyndy. Ózge aqparat QR QPK-niń 201-babyna sáıkes jarıalaýǵa jatpaıdy.