Árbir qyz «Qazaqstan arýy» atanýǵa laıyqty: Almatyda ulttyq sulýlyq baıqaýynyń ashyq kastıngi ótedi, dep habarlaıdy aqshamnews.kz.
«Qazaqstan arýy» ulttyq sulýlyq baıqaýynyń uıymdastyrý komıteti elimizdiń arýlaryn kastıngke qatysýǵa shaqyrady. 17 tamyz kúni Almatyda «Qazaqstan arýy» ulttyq sulýlyq baıqaýynyń ashyq kastıngi ótedi. Kastıngke 18 jastan asqan jáne boıy 165 santımetrden joǵary barlyq qyz qatysa alady. Kastıngten ótkender «Qazaqstan arýy» baıqaýynyń fınalyna joldama alady.
Jobanyń maqsaty – etnıkalyq negizderdi saqtaý jáne nasıhattaý. Qazaq tilin, ulttyq qolónerin, mádenı murasyn, ulttyq kıimderin jastardyń boıyna sińirý ári dáripteý. Qazaq qyzdarynyń búgingi rýhanı kelbetin ashyp, jastardy ulttyq rýhanıat pen mádenı murany qurmetteýge tárbıeleý. Elimizdiń jastar saıasatyna úles qosý da úlken maqsattarymyzdyń biri. Baıqaý – ólkemizdiń san urpaqtarynyń tereńdigi men danalyǵyn boıyna sińirgen sulýlyqqa taǵzym. «Miss Qazaqstan» jaı ǵana sulýlyq baıqaýy emes, bul árqashan «Sulýlyq meıirimdilikte!» uranymen ótetin joba. Bıyl joba «Áıel bolý - óner» taqyrybymen ótpekshi.
«Qazaqstan arýy» tek qana sulýlyq baıqaýy emes, bul qyz balasyna óziniń ónerin, bilimin hám áleýetin kórsetýge arnalǵan biregeı alań!
Ótetin orny: Ál-Farabı dańǵyly 5/2, P2, «Júrek taý» bıznes ortalyǵy
Kastıng kúni men ýaqyty: 17 tamyz, saǵat 12:00