Bıyl Almatyda mektepter úshin ınteraktıvti kontenti bar 168 jańa modıfıkasıa kabıneti satyp alyndy. Bul týraly qala ákimi Erbolat Dosaev bilim berý salasy qyzmetkerleriniń tamyz keńesinde málimdedi, dep habarlaıdy aqshamnews.kz
Shahar basshysy qaladaǵy mektepterdiń ınfraqurylymyna basa nazar aýdarylatynyn atady.
«Bıyl mektepterge praktıkalyq jáne teorıalyq esepterdi sheshý úshin ınteraktıvti mazmuny bar 168 jańa modıfıkasıa kabıneti (fızıka, hımıa, bıologıa, robototehnıka, STEM) satyp alyndy. Bul mektepterdi zamanaýı pándik kabınettermen jabdyqtaýdyń 85% deńgeıine qol jetkizýge múmkindik berdi», - dedi Erbolat Dosaev.
Osylaısha, 168 jańa kabınettiń engizilýimen mektepterdi zamanaýı pándik kabınettermen jabdyqtaý ótken jylmen salystyrǵanda 16% ósti.
Sonymen qatar, Ulttyq Banktiń Ulttyq tólem korporasıasymen birlesip №201 mektep-gımnazıasynda «sıfrlyq teńge» platformasynda bastaýysh synyp oqýshylaryn tegin tamaqtandyrýǵa arnalǵan «sıfrlyq vaýcherler» baǵdarlamasy sátti júzege asyp keledi. Bul baǵdarlama boıynsha búginde 50 myńǵa jýyq tranzaksıa júrgizildi.
«Aldaǵy ýaqytta jobany qalanyń basqa mektepterine de engizýdi josparlanyp otyrmyz», - dedi Almaty ákimi.
Esterińizge sala keteıik, Almatyda 2024-2025 oqý jylynyń bastaýyna oraılastyrylǵan «Digital Kazakhstan: jańa zamandaǵy bilim berý» atty qalalyq tamyz samıti ótti. İs-shara pedagogtardyń kásibı deńgeıin arttyrýǵa, bilim berý salasyndaǵy ozyq tájirıbelerdi jáne jańa tehnologıalardy almasýǵa baǵyttalǵan.