Buryn salyq zańnamasyn óreskel buzǵan quryltaıshylar men kompanıa basshylaryna jańa kompanıa qurýǵa tyıym salynýy múmkin.
Premer-mınıstrdiń orynbasary – Ulttyq ekonomıka mınıstri Serik Jumanǵarın Salyq kodeksiniń jańa redaksıasyna osyndaı norma engizýdi usyndy, dep habarlaıdy aqshamnews.kz.
- Bıznesti bólshekteýmen kúresti kúsheıtý úshin zańdy tulǵalardy tirkeýge qatysty ózgerister usynylady. Quryltaıshylary nemese basshylary buryn aýyr salyqtyq buzýshylyqtar úshin jaýapqa tartylǵan kompanıalar jańa zańdy tulǵany tirkeı almaıdy, - dedi vıse-premer.
Sondaı-aq, ol kodekstiń jańa jobasy salyq organdarynyń kúshin eń táýekeli joǵary jaǵdaılarǵa baǵyttaıtynyn aıtady.
- Usynylǵan salyq reformasy óz kiristerin jasyratyn adal emes salyq tóleýshilerge, sondaı-aq salyq salýdyń ádilettiligin arttyrýǵa baǵyttalǵan. Baılar kóbirek tóleýi tıis, - dedi mınıstr.