Búginde atalǵan kómekti 211 adam aldy.
Qala ákimi Baqytjan Saǵyntaevtyń tapsyrmasy boıynsha densaýlyq saqtaý salasynyń, quqyq qorǵaý organdarynyń, TJD jáne qutqarý qyzmetiniń TJ kezinde zardap shekken jáne jumys istegen qyzmetkerlerine materıaldyq kómek aýdaryldy, dep habarlaıdy Almaty-akshamy.kz.
Habarlanǵandaı, atalǵan salalardyń zardap shekken qyzmetkerlerine ótemaqy tóleý ótken dúısenbide bastaldy. Búginde atalǵan kómekti 211 adam aldy. Ótemaqy tóleý prosesi jalǵasýda.
Sonymen qatar, tótenshe jaǵdaı kezinde jumys istegen qyzmetkerler marapattaldy. Onyń ishinde 3882 densaýlyq saqtaý salasynyń qyzmetkerine jalpy somasy 546,7 mln teńge, 93 qutqarýshyǵa 13,1 mln teńge jáne TJD 1207 qyzmetkerine 126 mln teńge tólendi.
Jaqyn kúnderi qalalyq polısıa departamentiniń 3878 qyzmetkerine tolyq kólemde qarajat aýdarý aıaqtalady.