6 qazanda Prezıdent Qasym-Jomart Toqaev "Qazaqstan Respýblıkasy sottarynyń tóraǵalaryn, sot alqasynyń tóraǵasyn jáne sýdıalaryn qyzmetke taǵaıyndaý jáne qyzmetten bosatý týraly" Jarlyqqa qol qoıdy, dep habarlaıdy almaty-akshamy.kz.
Massaget.kz málimeti boıynsha qujatta qyzmetinen bosatylǵan 35 sýdıanyń tizimi berilgen. Olardyń arasynda elordalyq sotta sýdıa bolyp jumys istegen Janar Baıbek te bar. Jarlyqta ol óz ótinishi boıynsha qyzmetinen bosatylǵany atap ótilgen.
Qujatqa 2023 jylǵy 6 qazanda qol qoıylǵan. Ol qol qoıylǵan kúnnen bastap kúshine endi.
Ashyq aqparat kózderinde Janar Baıbektiń Almatynyń burynǵy ákimi Baýyrjan Baıbektiń áıeli ekeni aıtylady.