eGov.kz portalyndaǵy osy jańa qyzmettiń iske qosý úshin Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstrligi, Qazaqstan Respýblıkasynyń Energetıka mınıstrligi, «QazTransGaz Aımaq» AQ jáne «Ulttyq aqparattyq tehnologıalar» AQ birlesip jumys atqardy.
Budan bylaı, jeke tulǵalar óz úılerinen shyqpaı-aq elektrondy sıfrlyq qoltańbany (ESQ) qoldanyp, eGov.kz portaly arqyly gazdandyrý úshin tehnıkalyq sharttardy alýǵa ótinim bere alady. Tehnıkalyq sharttardy qaraý jáne berý prosesine tehnıkalyq kúrdeli emes obektiler úshin 5 jumys kúni jáne tehnıkalyq kúrdeli obektiler úshin 10 jumys kúni ketedi, dep habarlaıdy Almaty-akshamy.kz Energetıka mınıstrligine silteme jasap.
Turǵyn úıler men obektilerdi gazdandyrý úshin eGov.kz portalynan tehnıkalyq jaǵdaılar alý úshin azamattar birneshe qarapaıym qadamdardan ótýi kerek:
- eGov.kz portalynda avtorızasıalaný;
- Baılanys telefony men elektrondyq poshta mekenjaıyn kórsetý;
- Turý mekenjaıyn tańdaý;
- Gazdandyrý obektisiniń mekenjaıyn tańdaý;
- Tehnıkalyq tólqujat skanerin qosý;
- Gazdandyrý obektisi boıynsha derekterdi kórsetý;
- ESQ-men ótinimge qol qoıý;
- Tehnıkalyq sharttardyń beriletini nemese berilmeıtini týraly «QazTransGaz Aımaq» AQ-dan jaýbyn kútý.
Bul jańa qyzmet azamattardyń ýaqytyn únemdeıdi, burynǵydaı keńselerge barý men qaǵaz qujattaryn toltyrýdyń qajeti bolmaıdy. Onlaın-servıs sondaı-aq Qazaqstan Respýblıkasynyń aýmaǵynda turǵyn úıler men obektilerdi gazdandyrýdyń qoljetimdiligin jaqsartýǵa yqpal etedi.