Úkimet basshysy Álıhan Smaıylov janar-jaǵarmaı baǵasyna qatysty málimdeme jasady.
Keshe Energetıka mınıstrligi janar-jaǵarmaı baǵasynyń kóteriletinin aıtqan bolatyn. Osy sheshimge qatysty Úkimet basshysy Álıhan Smaıylov pikir bildirdi, dep habarlaıdy Almaty-akshamy.kz.
«Osyndaı sheshim qabyldaýǵa májbúr boldyq. Iaǵnı, baǵany qaıta qaramasaq, onda jaqynda munaı ónimderiniń tapshylyǵyna tap bolamyz. Bizde dızel otynyn qoldaný jylyna bir adamǵa 300 lıtrden keledi. Al Reseıde bul kórsetkish - 225 lıtr, Qyrǵyzstanda - 90 jáne Ózbekstanda - 44 lıtr. Memleket janar-jaǵarmaı óndirisin ulǵaıtý boıynsha tıisti sharalar qabyldaýda. Sońǵy bes jylda benzın óndirisi 70 paıyzǵa, al dızel otyny 33 paıyzǵa ósti», - dedi Álıhan Smaıylov Úkimet otyrysynan keıin BAQ ókilderine málimdeme jasaı turyp.
Onyń aıtýynsha, munaı kompanıalary joǵary qarqynmen jumys istep jatyr.
«Degenmen janar-jaǵarmaı naryǵynda tapshylyq máselesi azaıar emes. Qazaqstandyq arzan janar-jaǵarmaı ártúrli jolmen kórshi elderge ketip jatyr. Osylaısha otandyq arzan janar-jaǵarmaı ózimizdiń múddesine emes, kórshi memleketterdiń ekonomıkasyna jumys istep otyr», - deıdi Premer-Mınıstr.