Parıjdegi áıgili Eıfel munarasynyń janyna onyń kóshirmesi ornatyldy.
Ólshemi túpnusqasynan 10 ese kishi etip jasalǵan. Jobany iske asyrý úshin bir jyl ýaqyt ketken. Biraq ol bir túnniń ishinde ornatylǵan, dep habarlaıdy Almaty-akshamy.kz 24.kz-ke silteme jasap.
Eń qyzyǵy, qaı jerden qarasa da, eki munaranyń ólshemi birdeı bolyp kórinedi. Álemde Eıfel munarasynyń 50-den asa kóshirmesi bar. Parıjdegi jańa týyndy eki aptadan keıin ózge elderde ótetin kórmelerge jiberiledi.
«Qurylymnyń bıiktigi men eni ǵana emes, búkil bólshekteriniń ólshemderi túpnusqasynan 10 ese kishi etip jasalynǵan. Talapty qatań saqtaý kerek boldy. Sonyń arqasynda syrttan qaraǵanda, eki munara da birdeı bolyp kórinedi. Osyǵan biraz qınaldyq. Sosyn kóshirmeni bir túnniń ishinde ornatyp tastadyq. Bul da qıyndyq týdyrdy. Esesine tańerteń ekinshi munarany kórgen adamdardyń qalaı tańǵalǵanyn bilseńizder ǵoı», - deıdi kóshirmeniń avtory Fılıpp Mendron.