Almatyda sot sheshimi boıynsha Tóle bı men Momyshuly kósheleriniń qıylysynda memlekettik qordyń jerlerinde ornalasqan birqatar saýda núkteleri men kafeler súriledi. Bul ýchaskeni kásipker jalǵa alý quqyǵynda úsh jyl merzimge ıelengen.
Jaldaý merzimi aıaqtalǵannan keıin kásipker jer telimin memlekettik qorǵa qaıtarýy kerek edi, biraq ol muny óz erkimen jasaýdan bas tartty. Sondyqtan Almaty qalasynyń qala qurylysyn baqylaý basqarmasy sotqa tıisti talap aryzben júgindi.
Nátıjesinde, 2021 jylǵy 15 qyrkúıekte mamandandyrylǵan aýdanaralyq ekonomıkalyq sot óz betinshe salynǵan nysandardy súrip, ýchaskeni jalpy paıdalanýǵa qaıtarý týraly sheshim qabyldady. Bul sheshimge apelásıalyq sotta úshinshi tarap narazylyq bildirdi. Osy talap aryz 2021 jylǵy 21 jeltoqsanda Almaty qalalyq sotynyń qaraýynsyz qaldyryldy jáne birinshi satydaǵy sottyń sheshimi uzaq sot talqylaýlarynan keıin zańdy kúshine endi.
Qazir Almaty qalasy Ádilet departamenti sot oryndaýshylarynyń nysandardy buzý kúnin belgileýi kútilýde.