2024 jyldyń sońyna deıin Qazaqstan azamattary Ońtústik Koreıada zańdy túrde jumys isteý múmkindigine ıe bolady. Bul týraly Eńbek jáne áleýmettik qorǵaý mınıstri Svetlana Jaqypova Májilis kýlýarynda málimdedi. Qazirgi ýaqytta kelisim Ońtústik Koreıada talqylanyp, kelisý júrip jatyr, dep habarlaıdy aqshamnews.kz.
Eske sala keteıik, 2024 jyldyń qazan aıynda Qazaqstan Respýblıkasynyń eńbek jáne áleýmettik qorǵaý vıse-mınıstri Asqarbek Ertaev Ońtústik Koreıanyń Jumyspen qamtý jáne eńbek mınıstrliginiń ókilderimen kezdesti. Kezdesýde Qazaqstannyń Ońtústik Koreıadaǵy eńbek ruqsatnamalary júıesine — Employment Permit System (EPS) — qosylý máselesi talqylandy.
«Ońtústik Koreıanyń Eńbek mınıstrligi basshylyqty ózgertti, sondyqtan proses sál keshiktirildi. Qujat ázirlenip, Ońtústik Koreıaǵa talqylaýǵa jáne bekitýge jiberildi», - dep túsindirdi Jaqypova.
Rásim resmı túrde bekitilgennen keıin qazaqstandyqtar Ońtústik Koreıada EPS baǵdarlamasy aıasynda zańdy túrde jumys isteı alatyn bolady.