Barlyq júldeni «skıt» jattyǵýynda – dóńgelek stendte atýdan jeńip aldy.
Kýveıtte ótip jatqan stendtik atýdan Azıa Kýboginde qazaqstandyq sportshylar 5 medal jeńip aldy. Bul týraly Mádenıet jáne sport mınıstri Asqat Oralov áleýmettik jelidegi paraqshasynda jazdy, dep habarlaıdy Almaty-akshamy.kz
«Kýveıtte ótip jatqan stendtik atýdan Azıa Kýboginde bizdiń sportshylar 5 medal jeńip aldy: 2 altyn, 1 kúmis jáne 2 qola. Barlyq júldeni «skıt» jattyǵýynda – dóńgelek stendte atýdan jeńip aldy», - dep jazdy mınıstr.
Shymkent qalasynyń mergeni Olga Panarına jekeleı jáne Ásem Orynbaı, Zoıa Kravchenko syndy sportshylardan jasaqtalǵan qurama komandalyq jarysta altyn aldy.
Edýard Eshenko, Iýnýs Machjon jáne Artem Sedelnıkov bastaǵan erler quramasy kúmis júldege ıe boldy. Bul joly Ásem Orynbaı men Edýard Eshenko qola júldege qol jetkizdi.
«Qazaqstan sportshylarynyń sońǵy jetistikteri (mysaly, Álem Kýboginiń jalpy medaldyq esebinde birinshi oryn) kezdeısoqtyq emes ekenin taǵy da kórsetedi. Bul – Parıj Olımpıadasy qarsańyndaǵy sózsiz zor qýanysh», - dedi Asqat Oralov.
Sondaı aq, mınıstr ótip jatqan týrnır barysynda bizdiń mergender jeńis tuǵyryna taǵy birneshe ret kóteriletinine senim bildirdi.