Áıeldiń denesinen pyshaq jaraqaty anyqtalǵan.
Aqtóbede 23 aqpan kúni júmysqa shyǵyp, iz-túzsiz ketken áıeldiń denesi tabyldy. Odan pyshaq jaraqaty anyqtalǵan, dep habarlaıdy Almaty-akshamy.kz QazAqparatqa silteme jasap.
Buǵan deıin polısıa men eriktiler 1976 jyly týǵan Janna Muratqalıevaǵa izdeý jarıalaǵan bolatyn. Ol 23 aqpan kúni úıinen jumysqa shyǵyp, habarsyz ketken. Al búgin polısıa departamentinen joǵalǵan áıeldiń denesi tabylǵanyn habarlady.
«Aqtóbe oblysynda 47 jastaǵy áıel jumysqa ketip, oralmaǵan. Polısıa qyzmetkerleri 25 aqpanda jedel tergeý is-sharalary kezinde 29 jastaǵy kúdiktini anyqtap, ustady. Onyń avtokóliginen pyshaq jaraqaty túrinde zorlyqpen óltirý belgileri bar joǵalǵan áıeldiń máıiti tabyldy. Osy derek boıynsha QR QK 99-baby «Kisi óltirý» boıynsha sotqa deıingi tergeý bastaldy. Qylmystyń mán-jaıy anyqtalyp jatyr. Kúdikti qamaýǵa alyndy», - dep habarlady oblystyq PD baspasóz qyzmetiniń jetekshisi Erbolat Sarqulov.