Oqý-aǵartý mınıstrligi men Almaty ákimdigi bilim berý júıesin damytýdyń 2023-2029 jyldarǵa arnalǵan óńirlik jol kartasyna qol qoıdy
Almaty ákimi Erbolat Dosaev pen QR Oqý-aǵartý mınıstri Ǵanı Beısembaev bilim berý júıesin damytýdyń 2023-2029 jyldarǵa arnalǵan óńirlik jol kartasyna qol qoıdy, dep habarlaıdy Almaty-akshamy.kz.
«Ótken jyldyń qyrkúıeginde qabyldanǵan «Almaty qalasyn damytýdyń 2025 jylǵa deıingi baǵdarlamasyn jáne 2030 jylǵa deıingi orta merzimdi perspektıvalardy» iske asyrý aıasynda biz jol kartalaryn, onyń ishinde sapaly bilim berýdi damytý boıynsha jol kartalaryn ázirledik. Búgin biz qol qoıǵan Jol kartasy orta bilim berý máselelerin sheshý, pedagogterimizdiń biliktiligin arttyrý jáne basqa da mańyzdy máselelermen tolyqtyrylǵanyna qýanyshtymyn», – dedi Almaty qalasynyń ákimi Erbolat Dosaev.
Almaty ákimdiginiń jospary boıynsha mektepke deıingi uıymdarda oryn tapshylyǵy máselesin sheshý úshin 2029 jylǵa deıin balabaqshalarda memlekettik tapsyrysty 35 myń orynǵa ulǵaıtý josparlanýda. Mektepterdegi oqýshy oryndarynyń tapshylyǵy máselesi belsendi túrde sheshilýde. «Jaıly mektep» jobasy boıynsha 2023 jyldan bastap respýblıkalyq búdjet esebinen 37 myń oqýshyǵa arnalǵan 22 mekteptiń qurylysyn bastaý josparlanýda. Orta bilim berý uıymdaryna taǵy 30 mektep pen 9 qosymsha qurylys salý 2025 jylǵa deıin oqýshy oryndarynyń tapshylyǵyn 23 myńǵa jýyq tómendetýge múmkindik beredi. Sondaı-aq, 50 bilim berý nysanyn jańartý josparlanýda, al eki júzge jýyq mektep jańa býynnyń pándik kabınetterin alady.
Jyl saıyn eki myńǵa jýyq pedagog biliktilikti arttyrý kýrstarynan ótedi. Sonymen qatar, aǵymdaǵy jyly mektepke deıingi tárbıe men oqytýdyń alǵashqy óńirlik resýrstyq ortalyǵy paıda bolady.
«Almatynyń 18 myńǵa jýyq pedagogy biliktilikti arttyrý kýrstarynan ótedi, mektepterdiń basqarýshylyq quramynyń 450 ókili halyqaralyq menedjment baǵdarlamalaryn oqıdy, taǵy 9 myń pedagog fýnksıonaldyq saýattylyqty, sıfrlyq quzyrettilikter men daǵdylardy qalyptastyrý baǵdarlamalary boıynsha oqýdan ótedi. Memleket basshysynyń tapsyrmasyna sáıkes tegin tehnıkalyq jáne kásiptik bilimmen 100% qamtýdy qamtamasyz etý úshin kolejderde memlekettik tapsyrysty 20 myńnan astam orynǵa ulǵaıtý josparlanýda», - dep atap ótti Oqý-aǵartý mınıstri Ǵanı Beısembaev.
Tehnıkalyq jáne kásiptik bilim berý uıymdarynyń qoljetimdiligi men sapasyn arttyrý mańyzdy bolyp qala beredi. 2025 jylǵa deıin 300 tósektik jataqhanasy bar eki jańa kolej qurylysyn bastaý josparlanýda. 4 myńǵa jýyq TjKB oqytýshylary biliktilikti arttyrý kýrstarynan ótedi, 600 arnaıy pán muǵalimderi men óndiristik oqytý sheberleri halyqaralyq taǵylymdamadan ótedi, al 85 kolejdiń basshylyq quramy menedjment baǵyty boıynsha biliktiligin arttyrady.
Sonymen qatar, birqatar is-sharalar ınklúzıvti bilim berýdi damytýǵa baǵyttalǵan. Osylaısha, psıhologıalyq-medısınalyq-pedagogıkalyq konsýltasıalar jelisin, psıhologıalyq-pedagogıkalyq túzetý kabınetterin keńeıtý, erekshe qajettilikteri bar balalarǵa arnaıy psıhologıalyq-pedagogıkalyq kómekke memlekettik tapsyrysty 1400 orynǵa ulǵaıtý jáne qalalyq ınklúzıvti resýrstyq ortalyq qurý josparlanýda.
Tórt ınovasıalyq shyǵarmashylyq ortalyǵyn, eki jazǵy lager salý, qosymsha bilim berýge memlekettik bilim berý tapsyrysyn ulǵaıtý jáne mektep kitaphanalaryn jańǵyrtý josparlanýda.
Sonymen qatar, qalanyń jol kartasy balalardyń shyǵarmashylyq jáne zıatkerlik áleýetin damytý, balalardyń quqyqtaryn qorǵaý, bilim berý uıymdarynda sybaılas jemqorlyqqa qarsy is-qımyl sharalaryn qamtydy.