Buǵan deıin bul qyzmette bolǵan basshynyń sottalyp ketkenin buryn habarlaǵanbyz.
QR TJM buıryǵymen Almaty qalasy Tótenshe jaǵdaılar departamentiniń bastyǵy bolyp polkovnık Nurlan Atyǵaev taǵaıyndaldy, dep habarlaıdy Almaty-akshamy.kz atalǵan mınıstrliktiń baspasóz qyzmetine silteme jasap.
Nurlan Atyǵaev 1978 jyly Kókshetaý oblysynda dúnıege kelgen. Qazaqstan Respýblıkasy Tótenshe jaǵdaılar agenttiginiń Kókshetaý tehnıkalyq ınstıtýtyn bitirgen.
Eńbek jolyn Soltústik Qazaqstan oblysy Memlekettik órtke qarsy qyzmetiniń Aıyrtaý aýdany № 7 órt sóndirý bóliminiń ınspektory bolyp bastaǵan. Ár jyldary Soltústik Qazaqstan oblysynyń Tótenshe jaǵdaılar departamenti Taıynsha aýdany Tótenshe jaǵdaılar bóliminiń bastyǵy, memlekettik órt baqylaý basqarmasynyń bastyǵy, departament bastyǵynyń orynbasary laýazymynda qyzmet atqardy. 2020 jyldyń jeltoqsan aıynan 2023 jylǵy qazan aıyna deıingi aralyqta Aqmola oblysy Tótenshe jaǵdaılar departamenti bastyǵynyń orynbasary qyzmetin atqarǵan.