Almatyda aldaǵy ýaqytta sheshilýge tıis qalalyq kólik salasyndaǵy úsh negizgi másele bar. Eń aldymen, marshrýttardy ońtaılandyrý, avtobýstar men troleıbýstar úshin tolyqqandy ınfraqurylym qurý, sonymen qatar, qarbalas ýaqytta qoǵamdyq kóliktiń úzdiksiz jumysyn qamtamasyz etý qajet. Qalalyq mobıldilik basqarmasynyń basshysy Saǵyndyq Telibaevtyń aıtýynsha, qazaqstandyq normatıvter qalanyń tar kóshelerinde árdaıym múmkindik bola bermeıtin arnaıy qoǵamdyq kólik jolaqtaryn qurý úshin alty jolaqtyń bolýyn talap etedi.
«Almaty úshin arnaıy tehnıkalyq sharttardy ázirlep jatyrmyz, osy máseleni de qamtyǵymyz keledi, sonymen qatar jolaqtyń enin azaıtýdy usynamyz. Qazir onyń eni kólikter úshin 3,5 metr, qoǵamdyq kólikter úshin 4 metr. Kóptegen elde jolaqtardyń ólshemi sáıkesinshe 2,7 jáne 3,1 metr. Qalamyz úshin de osyndaı parametrdi kózdep otyrmyz. Sodan keıin tańba syzýdy ózgerte alamyz, jolda bos jerler qalady, onda biz qoǵamdyq kólikter men velojoldarǵa arnalǵan jolaqtardy jabdyqtaımyz», - dep josparyn bólisti.
Buǵan qosa, Raıymbek dańǵylynda jyldam tranzıt (BRT) jobasyna erekshe nazar aýdarylady. Avtobýstar úshin basymdyqty qamtamasyz etý úshin eki jolaqty (joldyń ár jaǵynan bir) tolyǵymen qoǵamdyq kólikke berý, arnaıy baǵdarshamdar men retteletin jaıaý júrginshiler ótkelderin ornatý josparǵa engen. Qurylys-montaj jumystary kelesi jyldyń ekinshi jartyjyldyǵyna josparlanyp otyr.