2025 jylǵy 1 qańtardan bastap nysanasy jumystardy oryndaý nemese qyzmetter kórsetý bolyp tabylatyn salyq agentterimen jasalǵan azamattyq-quqyqtyq sıpattaǵy sharttar boıynsha kiris alatyn jeke tulǵalar mindetti áleýmettik saqtandyrýǵa jatady.
Jańashyldyq azamattardyń osy sanatyn áleýmettik qorǵaýdy kúsheıtýge múmkindik beredi. Atalǵan jeke tulǵalar áleýmettik táýekelderdiń 5 túri bastalǵan kezde Memlekettik áleýmettik saqtandyrý qorynan (budan ári – MÁSQ) áleýmettik tólemder ala alady.
AQS sharttary boıynsha kiris alatyn jeke tulǵalar úshin áleýmettik aýdarymdardy tóleýshiler MÁSQ-ǵa áleýmettik aýdarymdardy tóleýdi júzege asyratyn salyq zańnamasynda aıqyndalǵan salyq agentteri bolyp tabylady.
Áleýmettik aýdarymdar stavkasy áleýmettik aýdarymdardy esepteý obektisiniń 5% mólsherinde belgilengen.
Osy qyzmetkerler úshin áleýmettik aýdarymdardy esepteý obektisi MÁSQ-ǵa áleýmettik aýdarymdar tólenbeıtin kiristerdi qospaǵanda, AQS sharty boıynsha alynatyn tabys somasy bolyp tabylady.
Bul rette bir tóleýshiden áleýmettik aýdarymdardy esepteýdiń aı saıynǵy obektisi 7 eń tómengi jalaqydan (budan ári – ETJ) aspaýǵa tıis.
Eger kúntizbelik aıda bir tóleýshiden áleýmettik aýdarymdardy esepteý obektisi ETJ-dan kem bolǵan jaǵdaıda, onda áleýmettik aýdarymdar ETJ-dan negizge ala otyryp esepteledi, tólenedi.
Eger tulǵa bir tóleýshimen jasalǵan eki jáne odan da kóp AQS sharttary boıynsha jumystardy oryndaýdan (qyzmetter kórsetýden) kiris alǵan jaǵdaıda, onda áleýmettik aýdarymdardy esepteýdiń eń tómengi jáne eń joǵary obektisi bir tóleýshiden alynǵan jalpy tabysqa qoldanylady.
Tóleýshiler azamattyq-quqyqtyq sıpattaǵy sharttar boıynsha kiris alatyn jeke tulǵalar úshin áleýmettik aýdarymdardy esepteýdi (ustap qalýdy) jáne aýdarýdy tabys alynǵan aıdan keıingi aıdyń 25-kúninen keshiktirmeı júzege asyrady.
Osylaısha, azamattyq-quqyqtyq sıpattaǵy sharttar boıynsha jumys isteıtin adamdar MÁSQ-dan áleýmettik táýekelderdiń 5 túri týyndaǵan jaǵdaıda áleýmettik tólemderdi ala alady:
- jumysynan aıyrylý;
- eńbekke qabilettiliginen aıyrylý;
- asyraýshysynan aıyrylý;
- júktilikke jáne bosanýǵa nemese jańa týǵan balany (balalardy) asyrap alýǵa baılanysty tabysynan aıyrylý;
- bala bir jarym jasqa tolǵanǵa deıin onyń kútimine baılanysty tabysynyń joǵalýy.
AQS sharttary boıynsha kiris alatyn jeke tulǵalar úshin áleýmettik aýdarymdardy tóleý boıynsha jıi qoıylatyn suraqtardyń jaýaptaryn https://www.gov.kz/memleket/entities/enbek/documents/details/788839?lang=kk siltemesi arqyly oqı alasyz.