Jyl saıyn aqpan aıynyń birinshi beısenbisinde 2005 jyly 14-17 qyrkúıekte Býdapeshtte ótken saılaýdy uıymdastyrýshylardyń jalpy konferensıasy aıasynda qurylǵan Dúnıejúzilik saılaý kúni (Global Elections Day, GED) atap ótiledi, dep habarlaıdy aqshamnews.kz.
Merekeniń maqsaty-azamattardyń demokratıalyq saılaýdyń mańyzdylyǵy týraly habardarlyǵyn arttyrý, saılaý quqyqtaryn qorǵaý jáne saılaý mádenıetin damytý. Bul kúni saılaýǵa qatysýdy nasıhattaýǵa jáne demokratıalyq qundylyqtardy nyǵaıtýǵa baǵyttalǵan aǵartýshylyq is-sharalar, konkýrstar, dárister men talqylaýlar ótkiziledi.
Dúnıejúzilik saılaý kúnin merekeleý aıasynda 2025 jyldyń 23 qańtary men 6 aqpany aralyǵynda Almaty qalasynyń aýmaqtyq saılaý komısıalary ártúrli deńgeıdegi 96 is-sharany ótkizýdi josparlap otyr. Negizgi is-sharalar mynalar bolyp tabylady: 2025 jyldyń 3 aqpanynda Almaty qalasy mektepteriniń 5-11 synyp oqýshylary úshin "Árkimniń daýysy mańyzdy: demokratıalyq qoǵamdaǵy saılaýdyń róli" Biryńǵaı synyp saǵatyn jáne 2025 jyldyń 6 aqpanynda jyl saıynǵy "Mekteptegi ózin-ózi basqarýdyń úzdik saılaý júıesi" qalalyq baıqaýyn ótkizý.
23-29 qańtar aralyǵynda Almaty qalasynda Dúnıejúzilik saılaý kúnin merekeleý aıasynda 39 is-shara ótkizilip, oǵan 3246 adam qatysty.
29 qańtarda KMM " 8 mektep-gımnazıa" bazasynda Almaty qalasy aýmaqtyq saılaý komısıasynyń múshesi S.B. Goncharov mekteptiń ózin-ózi basqarý múshelerine "Demokratıalyq prosesterdi qamtamasyz etýdegi quqyqtyń róli" taqyrybynda kóshbasshylyq dárisin ótkizdi. Dáris oqýshylardyń quqyqtyq saýattylyǵyn qalyptastyrýǵa, demokratıalyq qoǵamdaǵy quqyqtyń rólin túsinýge, sondaı-aq quqyqtyq mehanızmderdi túsiný arqyly kóshbasshylyq qasıetterdi damytýǵa baǵyttalǵan. Sabaqqa qatysýshylar mektep ómirine qatysýdyń joǵary deńgeıin kórsetti, mekteptiń ózin-ózi basqarý qurylymy týraly aıtty, kóp jyldyq jumys tájirıbesin kórsetti jáne júzege asyrylǵan bastamalarymen bólisti. Aıta ketý kerek, mekteptegi ózin-ózi basqarý oqýshylardyń damýynda jáne bilim berý mekemesinde demokratıalyq ortany qalyptastyrýda mańyzdy ról atqarady.