Musylman áleminde meımandar tamashalaıtyn eń kórnekti meshitterdiń biri ári biregeıi – Zaıda qulshylyq úıine aǵyǵan týrıser qarasy ótkenn jyly 70%-ǵa artqan, dáliregi, 2023 jyly atalmysh ǵıbadat ǵımaratyna 5 501 420 adam bas suqqan, olardyń 1 409 947-y ǵana musylman.
Bul jaıynda islam.kz portaly óz kezeginde WAM aqparat kózine jón siltegen IslamNews saıtyna silteme jasaı otyryp málim etedi, dep habarlaıdy Almaty-akshamy.kz.
Biriken Arab Ámirligi aýmaǵynda, ıaǵnı, Ábý-Dabı qalasynda oryn tepken meshitke tek týrıser ǵaa emes, sonymen qatar, atalǵan arab eline at basyn tiregen syılyq qonaqtar, sonyń ishinde, memleket basshylary, dıplomattar, t.b. qarasynyń ózi ájeptáýir. Meshit meımandarynyń 74%-y jekelegen tulǵalar bolsa, tobymen kelip tamashalaǵandar qarasy 26%-dy quraǵan. Resmı delegasıalar, sonyń ishinde úkimettik jáne bilim berý, dıplomatıalyq jáne t.b. 20 172 adamǵa artqan. 25 pen 35 jas aralyǵyndaǵy túrli elderden kelgender sany meshitke bas suqqandardyń eń kóp úlesin qurady – 34%. Meshitke kelgen qonaqtardyń 81 paıyzy sheteldikter boldy. Geografıa boıynsha kelýshilerdiń eń úlken úlesi Azıaǵa tıesili - 52%, odan keıingi orynda Eýropa tur - 33% jáne 8%-y - Soltústik Amerıka enshisinde. Meshit qonaqtarynyń 23 paıyzy Úndistannan, 8 paıyzy Qytaıdan, 7 paıyzy Reseıden kelgen.