Ulttyq bank birlesken baǵdarlamalarmen bilim granttary boıynsha oqýǵa ótinim berýge bolatynyn málimdedi, dep habarlaıdy Almaty-akshamy.kz BAQ.KZ-ke silteme jasap.
- «Nazarbaev Ýnıversıteti» DBBU Joǵary bıznes mektebinde «Qarjy boıynsha ǵylym magıstri» – 15 grant;
- «Narhoz ýnıversıteti» KEAQ «Qarjy taldaýshysy», «Qarjylyq táýekel-menedjment», «Makrotaldaý jáne boljaý» – 20 grant;
- «Qazaqstan-Brıtan tehnıkalyq ýnıversıteti» AQ «Qarjylyq táýekel-menedjment jáne derekter týraly ǵylym», «Makroqarjy jáne derekter týraly ǵylym» jáne «Qarjylyq tehnologıalar» – 15 grant.
Baǵdarlamalardyń maqsaty – Ulttyq bank pen onyń enshiles uıymdary úshin, sondaı-aq Qarjy naryǵyn retteý jáne damytý agenttigi úshin bilikti kadrlar daıarlaý.
Baǵdarlamalar aıasynda qarjy, ekonomıka, qarjylyq tehnologıalar, býhgalterlik esep, táýekel-menedjment, statısıka, ekonometrıka, matematıka, mashınalyq oqytý jáne baǵdarlamalaý boıynsha mamandar daıarlanady.
Osy baǵdarlamalar boıynsha oqý kezeńiniń bastalýy 2023 jylǵy tamyz-qazanǵa josparlanǵan. Oqýǵa túsý úshin kandıdattar ýnıversıtetterdiń talaby men ólshemshartyna sáıkes, konkýrstyq irikteýden ótedi. «Nazarbaev Ýnıversıteti» DBBU baǵdarlamasy boıynsha oqý kezeńiniń uzaqtyǵy – 16 aı, «Narhoz ýnıversıteti» KEAQ jáne «Qazaqstan-Brıtan tehnıkalyq ýnıversıteti» AQ baǵdarlamalary boıynsha – 2 akademıalyq jyl, - delingen bank taratqan habarlamada.
Oqý aıaqtalǵannan keıin Ulttyq bankke jáne onyń enshiles uıymdaryna, sondaı-aq Qarjy naryǵyn retteý jáne damytý agenttigine jumysqa ornalasý kózdelgen.
Baǵdarlamalardyń mazmunymen jáne oqýǵa qabyldaýǵa qoıylatyn talaptarmen kelesideı saıttarda tanysýǵa bolady:
- «Nazarbaev Ýnıversıteti» DBBU Joǵary bıznes mektebi:
- «Narhoz ýnıversıteti» KEAQ:
- «Qazaqstan-Brıtan tehnıkalyq ýnıversıteti» AQ: