«Bolashaq» baǵdarlamasy aıasynda qujat qabyldaýdyń ekinshi legi 2023 jylǵy 3 sáýirde bastalyp, 28 sáýirge deıin jalǵasady, dep habarlaıdy Almaty-akshamy.kz QazAqparatqa silteme jasap.
Konkýrstyq irikteýge qatysýǵa ótinim memlekettik qyzmetter portaly – eGov.kz arqyly onlaın qabyldanady.
Jyldyń sońyna deıin «Bolashaq» stıpendıasyna ótinimderdi qabyldaýdyń taǵy eki legi ótedi: 5 maýsym men 7 shilde aralyǵynda, sondaı-aq 17 shilde men 15 qyrkúıek aralyǵynda.
Bıyl «Bolashaq» stıpendıasy úmitkerlerine qoıylatyn talaptar kúsheıtildi.
Endi úmitkerler shet tilin meńgergenin rastaýy tıis.
Aǵylshyn tilinde akademıalyq oqýǵa túsýshiler nátıjesi keminde 9.0-den 6.0, taǵylymdamadan ótýshiler nátıjesi 9.0-den 5.0 IELTS sertıfıkatyn usynýy kerek.
Sonymen qatar jyl basynda jetekshi sheteldik joǵary oqý oryndarynda akademıalyq oqýǵa arnalǵan kvotalyq sanattar tizimi keńeıtildi.
Oqýǵa túsýshilerdi qoldaý úshin ınjenerlik-tehnıkalyq kadrlar men medısına mamandary úshin jeńildikter engizildi.
Atalǵan ózgerister arqasynda qazaqstandyq dárigerler men tehnıkalyq qyzmetkerlerdiń merzimi 12 aıǵa deıingi tegin tildik daıyndyqtan ótip, «Bolashaq» stıpendıasy taǵaıyndalǵannan keıin baǵdarlama aıasynda bilim alýǵa usynylatyn ýnıversıtetter tiziminen oqý ornyn tańdaýǵa múmkindigi bar.
Jalpy alǵanda, bıyl magıstratýra jáne rezıdentýra baǵdarlamalaryna 395 stıpendıa, doktorantýraǵa 50 stıpendıa, taǵylymdamadan ótý úshin 110 stıpendıa bólindi.