Qazaqstanda júrgizýshi kýáligin berý úshin kýrsanttardy oqytatyn avtomektepterdiń qyzmetine kiretin mindetter kóbeıedi.
Bul týraly "Azamattarǵa arnalǵan úkimet" memlekettik korporasıasynyń basqarma tóraǵasy Súıenish Ábdildın málimdedi, dep habarlaıdy Almaty-akshamy.kz
"Qazirgi tańda birinshi ret synaqtan óte almaǵan kýrsantqa taǵy múmkindik beriledi. Araǵa 7 kún salyp, emtıhandy qaıta tapsyrýǵa bolady. Orta eseppen júrgizýshi kýáligin alǵysy keletinder emtıhandy 3-5 ret tapsyrǵan soń ótedi", – dedi Súıenish Ábdildın.
Basqarma tóraǵasynyń aıtýynsha, kýrsant júrgizýshi kýáligin birneshe sanat boıynsha alǵysy kelse, onda 7 kún kútpeı, synaqty kún saıyn tapsyra alady.
"Osyǵan baılanysty mamandandyrylǵan halyqqa qyzmet kórsetý ortalyqtarynda uzyn-sonar kezek paıda bolyp jatyr. HQO jumysyn jetildirip, avtomattandyrý boıynsha shara qabyldaımyz. Bul azdyq etetindikten, ishki ister mınıstrligimen birlesip avtomektepterdiń jaýapkershiligin qatańdatý jaǵyn qarap jatyrmyz. Dálirek, avtomektepterde synaq emtıhanyn engizemiz. Osy shara kýrsanttardyń halyqqa qyzmet kórsetý ortalyǵyna jaqsy daıyndyqpen kelip, synaqtan birden súrinbeı ótýine sebep bolady. Munymen qatar, ortalyqtardaǵy kezek sany azaıady", – dedi ol.