Almaty qalasynyń ákimdigi jáne «Báıterek» UBH» AQ yntymaqtastyqtyń jańa kezeńine ótýde
Almaty qalasynyń ákimi Erbolat Dosaev «Báıterek» UBH» AQ Basqarma Tóraǵasy Qanat Sharlapaevpen megapolıstiń ári qaraı damýynyń perspektıvalaryn talqylaý boıynsha kezdesý ótkizdi. Áńgime barysynda kásipkerlerdi qarjylyq qoldaý, qalanyń turǵyn úı qoryn jańartý, ESG jobalaryn iske asyrý jáne taǵy basqa máseleler boıynsha uzaq merzimdi yntymaqtastyq týraly sóz boldy, dep habarlaıdy Almaty-akshamy.kz.
Qazirgi ýaqytta qalanyń ónerkásip salasyn damytý úshin «Ónerkásipti damytý qory» AQ jelisi boıynsha Indýstrıaldy aımaqtaǵy shaǵyn óndiristik parkterdi qarjylandyrý máselesi pysyqtalýda. Joba aıasynda bıznes baǵasy keminde 80 mln teńge turatyn jabdyqty jyldyq 3% mólsherleme boıynsha 3 jyldan 20 jylǵa deıingi merzimge lızıńke satyp ala alady. Baǵdarlamadan kútiletin tıimdilik – iskerlik belsendilikti arttyrý jáne jańa jumys oryndaryn qurý.
Kásipkerlerge qoljetimdi qarjylandyrýdy usyný úshin «Damý» KDQ» AQ birlesip «Almaty Business» óńirlik baǵdarlamasyna faktorıńtik kelisimder arqyly ózgerister engizý barysynda AEA aýmaǵyndaǵy jobalardy qarjylandyrý mólsheri 500 mln teńgege deıin artady, shaǵyn jáne orta bıznes úshin syıaqynyń jyldyq mólsherlemesi 6% bolady.
Ónimdi eksportqa shyǵaratyndardy qoldaý maqsatynda jobalardy jyldyq 12%-ǵa deıingi mólsherleme boıynsha aınalym qarajattaryn tolyqtyrý úshin «Qazaqstannyń Damý Banki» AQ jelisi boıynsha eksport aldy qarjylandyrý josparlanýda, bul otandyq taýar óndirýshilerdi halyqaralyq naryqta qoldaýdy qamtamasyz etedi.
Taraptar mashına jasaý salasyn damytý perspektıvalaryn talqylady. Atap aıtqanda, "Hyundai Trans Kazakhstan" bazasynda avtokomponentter zaýytyn salý jónindegi jobany "QDB"AQ-nyń qarjylyq qoldaýy talqylanýda. Joba óndiristi oqshaýlaý deńgeıin 8% - ǵa arttyrýǵa jáne Almaty qalasynyń eksporttyq áleýetin ulǵaıtýǵa múmkindik beredi.
Kezdesý barysynda «Báıterek» holdıńiniń enshiles kompanıalarynyń Almaty qalasynyń 2021-2025 jyldarǵa arnalǵan turǵyn úı qoryn renovasıalaý baǵdarlamasyna qatysýy boıynsha birqatar máseleler qaraldy.
«Biz «Báıterek» holdıńimen SHOB qoldaý boıynsha energetıka, kólik, óńdeý ónerkásibi, turǵyn úı baǵdarlamalary máselelerine qatysty iri ınfraqurylymdyq jobalardy iske asyrýda da ózara is-qımyl jasaýǵa múddelimiz. Biz ESG – jobalaryn iske asyrý úshin jasyl oblıgasıalar shyǵarýǵa, avtobýs parkin ekologıalyq qoǵamdyq kólikpen jańartýǵa jáne t.b. daıynbyz», – dep atap ótti Erbolat Dosaev.
Kezdesý qorytyndysy boıynsha osy jyldyń mamyr aıynyń sońyna deıin taraptar oryndaý merzimi 2025 jylǵa deıin arnalǵan Almaty ákimdigi men «Báıterek» holdıńi arasynda birlesken Jol kartasyna qol qoıýǵa kelisti.