Shtab ókilderi túsindirý jumystaryn júrgizedi.
Qazaqstan astanasynda úkimettik emes uıymdardyń, ardagerler qoǵamdastyǵynyń, túrli qaýymdastyqtar men saıası partıalardyń belsendi ókilderiniń qatysýymen brıfıń ótti. Qatysýshylar konstıtýsıalyq túzetýlerge jáne Prezıdenttiń búkilhalyqtyq referendým ótkizý jónindegi bastamasyna qoldaý bildirdi, dep habarlaıdy Almaty-akshamy.kz Baq.kz silteme jasap.
Azamattyq belsendiler óz sózderinde Referendýmdy qoǵamdyq qoldaý respýblıkalyq shtabynyń qurylǵanyn jarıalady.
Shtabtyń úılestirýshisi bolyp Qazaqstan máslıhattary depýtattarynyń respýblıkalyq birlestigi belgilendi. Onyń jetekshisi bolyp Tóleýbek Tóleýuly Muqashev aıqyndaldy.
«Usynylǵan konstıtýsıalyq reformalardyń qabyldanýymen eldegi saıası plúralızm men básekege qabiletti demokratıalyq ortany damytý úshin qajetti jaǵdaılar jasalatynyna senimdi bildirdi. Osyǵan baılanysty Respýblıkalyq shtab konstıtýsıalyq reformalardyń negizgi erejelerin keńinen túsindirýdi uıymdastyrýmen aınalysady», - dedi shtab jetekshisi.
Jumys elimizdiń barlyq óńirindegi ártúrli ataýly toptarmen júrgiziledi.
«Bul úshin Respýblıkalyq shtabqa kirgen uıymdardyń jelilik qurylymyn eskere otyryp, onyń ókildikteri barlyq oblystar men respýblıkalyq mańyzy bar qalalarda jumys isteıdi», - dep túsindirdi Tóleýbek Muqashev.