Almatydaǵy Taýsamaly shaǵyn aýdanynyń barlyq kóshelerine 2023 jyldyń qarasha aıynyń sońyna deıin asfált tóseledi, dep habarlaıdy Almaty-akshamy.kz
Naýryzbaı aýdanyna jumys sapary barysynda Erbolat Dosaev Taýsamaly shaǵyn aýdanyna bardy, munda joldardy ortasha jóndeý jumystary júrgizilýde.
Kólik ınfraqurylymynyń jaǵdaıy eki jyl boıy shaǵyn aýdan turǵyndaryn alańdatty. 2021 jyly "Ak-Meshıt Melıorator" JSHS merdigerlik uıymy ınjenerlik komýnıkasıalardy júrgizgen soń jobany túzetý jáne qarjylandyrýdy qaıta bólý sebebinen jol jabyny tolyq tóselmedi. Jalpy uzyndyǵy 3,6 km bolatyn 6 kósheniń ýchaskeleri asfáltsyz qaldy. Qala basshysynyń tapsyrmasyna sáıkes, 2023 jyly Naýryzbaı aýdany ákimdiginiń suraýy boıynsha ortasha jóndeý jumystaryn júrgizýge ótinish qalalyq mobıldilik basqarmasyna joldandy, jol tósemin qalpyna keltirýge jaýapty merdiger – "Jetisý Jol Qurylys" JSHS anyqtaldy.
Naýryzbaı aýdanynyń ákimi Nazıra Toǵyzbaeva qala basshysyna qazirgi ýaqytta shaǵyn aýdannyń 4 kóshesinde asfált tósemdi qalpyna keltirý jumystary aıaqtalǵanyn, qalǵan ýchaskelerdi aǵymdaǵy jyldyń 30 qarashasyna deıin aıaqtaý josparlanǵanyn baıandady.
Jumys sapary barysynda Almaty ákimi Naýryzbaı aýdanynyń turǵyndarymen kezdesti, olar kólik ınfraqurylymymen eki jyldyq problemany sheshkeni úshin alǵys bildirdi, megapolıs basshysyna sapaly sýmen qamtamasyz etý máselelerin aıtty. Atap aıtqanda, "Qarǵaly" sý qabyldaý stansıasyn iske qosý týraly sóz boldy. Erbolat Dosaev QazQSǴZI aǵymdaǵy jyldyń jazynda test synaǵynyń qorytyndylary boıynsha eskertýler joıylǵannan keıin oń qorytyndy bergenin atap ótti. Stansıadaǵy jumystar 95%-ǵa aıaqtaldy. Sondaı-aq, 2025 jyldyń sońyna qaraı "Aqsaı" stansıasynyń qurylysyn aıaqtaý josparlanýda. Osylaısha, Naýryzbaı aýdany batys jaǵynan da, shyǵys jaǵynan da ortalyq sýmen úzdiksiz qamtamasyz etiledi.
