Semeılikter kitapty avtobýsta da oqıdy. Rýhanıatty oılaıtyn jergilikti belsendiler qoǵamdyq kólikterde turǵyndardy kitap oqýǵa shaqyratyn «Danalyq izimen» degen aksıa bastapty.
Qala ishinde júretin avtobýstardyń syrtyna Uly Abaıdyń «Dúnıe de ózi, mal da ózi, ǵylymǵa kóńil bólseńiz», «Úsh-aq nárse adamnyń qasıeti: ystyq qaırat, nurly aqyl, jyly júrek» degen sekildi qanatty sózderi japsyrylǵan. Al avtobýs ishine shaǵyn kitap sóresi qoıylyp, onda aqyn-jazýshylarymyzdyń kitaptary ornalastyrylǵan.
– Kitap oqý avtobýs, úı dep qaramaıdy. Ár adamnyń zeıinine, peıiline baılanysty. Kitaptar jaqsy eken. Maǵynaly, uǵynyqty, – dep suhbat beripti «24 Habarǵa» Erkin Ekibaev degen semeılik.
Avtobýs ishinde kishkentaı bir ul bala da kitap paraqtap otyr. Áne, bizge keregi sol ǵoı, kitapty túgel oqyp tastamasa da, áıteýir, bir joly nemese abzasy balanyń kóz aldynda, sanasynda qalary sózsiz.
«Avtobýstaǵy kitap sóresi» óńirlerge taratatyn jaqsy ıdeıa eken, á?! Qalada ázirge 6 avtobýs solaı bezendirilip, 60-tan astam kitap jınalypty. Erekshe aksıany uıymdastyrýshylar aldaǵy ýaqytta kitaby bar avtobýsty da, kitaptar sanyn da kóbeıtkeli otyrǵan kórinedi.
Ázirlegen Nur JAMAL