Áleýmettik jelilerde osy jaǵdaıǵa baılanysty vıdeo taralǵannan keıin, mektep oqýshysy avtobýs ishinde ózine er adamnyń shabýyl jasaǵanyn málimdedi. Oqıǵa 6 jeltoqsanda bolǵan, dep habarlaıdy aqshamnews.kz.
"Ol bálkim, ishimdik iship, masań kúıde bolǵan bolar. Aıaǵymnan teýip, meni oıatqannan keıin bastaldy. Aýzyna kelgendi aıtyp, maǵan qaraı umtyldy. Betime tıgen soqqydan kózildirigim syndy", - dedi qyz ekinshi vıdeoda.
Mektep oqýshysy polısıaǵa aryz jazdy. Almaty qalasynyń polısıa departamenti agressıvti er adamdy izdestirip jatqanyn habarlady.
"Áýezov aýdanynyń polısıa basqarmasy quqyq buzýshynyń jeke basyn anyqtaý, ony ustaý jáne jaýapqa tartý úshin keshendi sharalar júrgizýde", - dep málimdedi Almaty polısıa departamentiniń baspasóz qyzmeti.
Keıinnen polısıa quqyq buzýshynyń jeke basyn anyqtap, ony ustaǵany týraly habarlady.