QR Ádilet mınıstri Azamat Esqaraev pen Almaty ákimi Erbolat Dosaev jańartylǵan Ádilet departamentiniń ǵımaratyn ashty. Saltanatty rásimge Almaty qalasynyń arnaıy organdarynyń basshylary da qatysty, dep habarlaıdy aqshamnews.kz
1982 jyly salynǵan ǵımarat zamanaýı talaptarǵa saı kelmeı, kúrdeli jóndeýdi qajet etetin edi.
Almaty qalasy qurylys basqarmasynyń málimetinshe, ǵımarattyń qurylymy seısmıkalyq turǵydan kúsheıtilip, fýnksıonaldyq jáne estetıkalyq sıpattamalary aıtarlyqtaı jaqsardy. Ǵımarattyń irgetasy men jabyndary monolıtti temirbeton plıtamen bekitilip, eski shatyrynyń ornyna jańasy ornatyldy. Injenerlik ınfraqurylym tolyqtaı jańartyldy.
Sonyń nátıjesinde Almaty qalasynyń Ádilet departamentinde azamattar men 70-ten astam qyzmetker úshin qolaıly jaǵdaı jasaldy. Aıta ketý kerek, azamattardy qabyldaýǵa arnalǵan open space formatyndaǵy zamanaýı bólmeler jabdyqtaldy, bul memlekettik qyzmetterdiń qoljetimdiligi men jyldamdyǵyn arttyrady.
Almatyda Ádilet departamentiniń ǵımaraty jóndeýden ótkennen keıin azamattardy qabyldaýǵa arnalǵan open space formatyndaǵy bólmeler quryldy.
Jumysqa jańa tásilderdi qoldaný memlekettik qyzmet kórsetý men quqyqtyq aǵartýshylyqtyń sapasyn joǵary deńgeıde jaqsartýǵa, qoǵamnyń damýyna yqpal etedi.